ខេត្តស្ទឹងត្រែង៖ បុរស២នាក់ស្រវឹងស្រាបើកម៉ូតូលឿនមិនមើលភ្លើងស៊ីញ្ញូ បុកនារីម្នាក់ខណៈបត់ចូលផ្សារ ពីក្រោយពេញទំហឹងបណ្តាលឲ្យរងរបួសម្នាក់។
ហេតការណ៍កើងឡើងនៅវេលាម៉ោង៧ និង១៥នាទីយប់ថ្ងៃទី១៧ ខែឧសភា ឆ្នាំ២០១៦ តាមបណ្តោយគីឡូម៉ែត្រលេខ៣ ស្ថិតនៅផ្សារថ្មី ភូមិរាជានុកូល សង្កាត់-ក្រុង-ខេត្តស្ទឹងត្រែង។
តាមសម្ដីរបស់សមត្ថកិច្ចបានឲ្យដឹងថា មុនពេលកើតហេតុមានម៉ូតូមួយគ្រឿងម៉ាកស្កុបពី គ្មានស្លាកលេខ បើកបរដោយឈ្មោះស្រី មុំ ភេទស្រី អាយុ១៨ឆ្នាំ មុខរបរសិស្ស រស់នៅភូមិរាជានុកូល សង្កាត់-ក្រុងស្ទឹងត្រែង ក្នុងទិសដៅពីជើងទៅត្បូងបានស៊ីញ្ញូបត់ ស្រាប់តែមានម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរី២០១៦ ជិះគ្នា២នាក់ អ្នកបើកបរមានឈ្មោះរី ប៊ុនធឿន ភេទប្រុស អាយុ៣២ឆ្នាំ មុខរបរជាងសិប្បកម្មកែច្នៃ រស់នៅភូមិព្រែក សង្កាត់-ក្រុងស្ទឹងត្រែង និងម្នាក់ទៀតបានរងរបួសមិនស្គាល់អត្តសញ្ញាណទេ មកដល់ចំណុចកើតហេតុបុកពេញទំហឹងបណ្តាលឲ្យរងរបួសម្នាក់ ត្រូវបានគេបញ្ជូនទៅមន្ទីរពេទ្យបង្អែក រីឯម៉ូតូរងការខូចខាត់ទាំងសងខាង។
ក្រោយពេលកើតហេតុភាគគីទាំងសងខាងបានសម្របសម្រួលគ្នាតែមិនត្រូវគ្នារួចសមត្ថកិច្ចក៏ធ្វើការវាស់វែងយកមកម៉ូតូទាំង២គ្រឿងមករក្សាទុកនៅស្នងការដ្ឋាននគរបាលខេត្ត ដើម្បីដោះស្រាយគ្នានៅពេលក្រោយ៕
ដោយ៖ មាស សុផាត
