កីឡាករ Erling Haaland របស់ Manchester City បានក្លាយជាកីឡាករដំបូងគេដែលស៊ុតបាន៣គ្រាប់ក្នុងទឹកដី Premier League ជាប់ៗគ្នា ខណៈដែលក្រុមបិសាចក្រហម Manchester United ត្រូវបានអាម៉ាស់ក្នុងការប្រកួត Manchester Derby នៅកីឡដ្ឋាន Etihad ដោយចាញ់ក្នុងលទ្ធផល ៦ទល់៣។

ភាពលេចធ្លោរបស់ Haaland នៅរដូវកាលនេះបានបន្ត ខណៈដែលគាត់បានស៊ុតបញ្ចូលទីបាន១៧គ្រាប់ក្នុង១០ប្រកួតចាប់តាំងពីការផ្ទេររបស់គាត់ពី Borussia Dortmund ហើយខ្សែប្រយុទ្ធ Phil Foden ក៏បានរកគ្រាប់បាល់បាន៣គ្រាប់ផងដែរ ខណៈដែលMan City បានបិទគម្លាតលើក្រុមកំពូលតារាង Arsenal ត្រឹម១ពិន្ទុប៉ុណ្ណោះ។

នេះគឺជាការបរាជ័យដ៏អាក្រក់មួយសម្រាប់ Man United បន្ទាប់ពីការធ្វើឱ្យប្រសើរឡើងនាពេលថ្មីៗនេះ ខណៈដែលម្ចាស់ជើងឯកPremier League បានបន្តធ្លាក់ចុះទម្រង់លេង និងគ្រាប់បាល់ច្រើនគ្រាប់ក្នុងបរាជ័យក្រៅទឹកដី។

ការចាប់ផ្តើមប្រកួតរបស់ Man City ត្រូវបានបង្ហាញយ៉ាងល្អនៅពេលដែល Foden បានស៊ុតបាល់បញ្ចូលទី១គ្រាប់នាំមុខពីការបញ្ជូនបាល់របស់ Bernardo Silva។ បន្ទាប់ពីរយៈពេល៨នាទីក្រោយមក Haaland បានរក១គ្រាប់ទៀតពីការតែតបញ្ចូលទី ។

 ខណៈដែល Man United បានធ្លាក់ចុះ ការគ្រប់គ្រងបាល់របស់ Man City បានកើតឡើងទៀតនៅពេលដែល Haaland បានបន្ថែមគ្រាប់ទី៣ពីការបញ្ជូនបាល់ដ៏ល្អឥតខ្ចោះរបស់ Kevin de Bruyne នៅនាទីទី៣៧ ហើយគ្រាប់ទី៤បានកើតឡើងទៀតដោយFoden មុនពេលសម្រាកក្នុងតង់ទី១នាទីទី៤៤។

 កីឡាករចំណូលថ្មី Antony របស់ Man Utd បានស៊ុតបាល់បញ្ចូលទីយ៉ាងល្អពីចម្ងាយជិត២៥ម៉ែត្រ ដើម្បីរកបាន១គ្រាប់មកវិញប៉ុន្តែមិនបានធ្វើឱ្យ Man City បាត់បង់ឱកាសនោះទេ ដោយ Haaland ស៊ុតបញ្ចូលទីគ្រាប់ទី៣របស់គាត់ពីការបញ្ជូនរបស់Sergio Gomez បន្ទាប់មកបង្ហាញម្តងទៀតថា គាត់អាចជាអ្នកបង្កើតដោយបង្កើតឲ្យ Foden សម្រាប់គ្រាបទី៦របស់ Man City ។

 គ្រាប់ទី៣របស់ Haaland បានធ្វើឱ្យគាត់ស្ថិតនៅក្នុងសៀវភៅកំណត់ត្រាបន្ទាប់ពីបានស៊ុតបាល់បញ្ចូលទីនៅផ្ទះឱ្យក្រុមNottingham Forest និង Crystal Palace ។

 គ្រាប់បាល់ចុងម៉ោងរបស់ Anthony Martial ២គ្រាប់សម្រាប់ Man Utd ត្រូវបានស្វាគមន៍យ៉ាងស្ងៀមស្ងាត់ ក៏ដូចជាការស៊ុតបាល់ប៉េណាល់ទីបន្ថែមម៉ោងរបស់គាត់ នៅពេលភាពអាម៉ាស់សម្រាប់ Man United និងអ្នកចាត់ការលោក Erik ten Hag និងភាពសប្បាយរីករាយមួយសម្រាប់ក្រុម Man City និងលោក Pep Guardiola ។

 លទ្ធផលនេះបានធ្វើឲ្យក្រុម Man United បាត់បង់ឱកាសឡើងទៅកាន់ចំណាត់ថ្នាក់កំពូលទាំង៤ (Top 4) ដោយបានឈរចំណាត់ថ្នាក់លេខ៦បណ្តោះអាសន្ន១២ពិន្ទុ ក្នុង៧ប្រកួត ខណៈដែលក្រុមខ្លាំង Man City ឈរចំណាត់ថ្នាក់លេខ២ មាន២០ពិន្ទុក្នុង៨ប្រកួត ចាញ់ក្រុមកំពូលតារាង Arsenal ១ពិន្ទុ ដែលមាន២១ពិន្ទុ ក្នុង៨ប្រកួតដូចគ្នា ៕ (រូបភាព ៖ BBC Sport/Reuters/CNA)