ភ្នំពេញ ៖ បុរសម្នាក់បេីករថយន្តម៉ាក
តូយ៉ូតា កាមរីដ៏ថ្មីសន្លាងមួយគ្រឿងក្នុងល្បឿនយ៉ាងលឿននិងវ៉ាជែងគេឯងមិនប្រយ័ត្នបានរេចង្កូតមកចិញ្ចេីមផ្លូវបណ្ដាលឱ្យក្រឡាប់ផ្ងារជេីងប៊ិះធ្លាក់ចូលទឹកបឹង បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង៩ និង៥០នាទីយប់ថ្ងៃទី២៩ ខែតុលា ឆ្នាំ២០២២ នៅតាមមហាវិថីសម្ដេចតេជោ (ផ្លូវ៦០ម៉ែត្រ) ក្នុងសង្កាត់ជេីងឯក ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុគេឃេីញរថយន្តស៊េរីទំនេីបម៉ាក តូយ៉ូតា កាមរី ពណ៌ស ពាក់ស្លាកលេខភ្នំពេញ 2AB-0284 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវ៦០ម៉ែត្រពីជេីងទៅត្បូងក្នុងល្បឿនលឿន និងបានបើកវ៉ាជែងគេឯងតាមដងផ្លូវ រួចក៏រេចង្កូតមកខាងស្ដាំដៃអែបចិញ្ចេីមផ្លូវ បណ្ដាលឱ្យក្រឡាប់ផ្ងារជេីងទ្រមេឃប៊ិះធ្លាក់ទឹកបឹង រងការខូចខាតយ៉ាងដំណំ ។ បន្ទាប់មកបុរសដែលជាតៃកុងរថយន្តនោះក៏បានធាក់ទ្វារចេញ និងដេីរធម្មតាដោយមិនមានរបួសអ្វីឡេីយ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ និងបានពិនិត្យស្ថានភាពជុំវិញកន្លែងកេីតហេតុមិនឃេីញប៉ះពាល់ដល់សម្បត្តិរដ្ឋ និងមិនបង្កគ្រោះថ្នាក់ដល់មនុស្ស ទេីបសម្រេចចិត្តប្រគល់រថយន្តឱ្យទៅម្ចាស់ស្ទួចយកទៅជួសជុលដោយខ្លួនឯង ៕
ដោយ ៖ ភារ៉ា ដង្កោ
