ខេត្តបាត់ដំបង៖ លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ ដឹកនាំកម្លាំងជំនាញផ្នែកប្រឆាំងបទល្មើសគ្រឿងញៀនស្រុក បានចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង ដោយឃាត់ជនសង្ស័យម្នាក់ យកមកសាកសួរ ដេីម្បីចាត់ការតាមច្បាប់។
ក្នុងប្រតិបត្តិការចុះបង្ក្រាបខាងលេីនេះ បានធ្វេីឡេីងនៅវេលាម៉ោង១ និង៤០នាទីរសៀលថ្ងៃអាទិត្យទី៣០ ខែតុលា ឆ្នាំ២០២២ នៅចំណុច ភូមិដំណាក់កកោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបង។
ជនសង្ស័យឈ្មោះ ហ៊ុច ដាវ ភេទប្រុស អាយុ ២៣ឆ្នាំ មានទីលំនៅភូមិ សំបូរ ឃុំហប់ ស្រុកគាស់ក្រឡ ខេត្តបាត់ដំបង ។
ដោយឡែកវត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន០៤ថង់សង្ស័យមានសារធាតុញៀន
-ទូរស័ព្ទដៃចំនួន០១គ្រឿង (Nokia)ចាស់
-ដែកកេះ ចំនួន០១។
បច្ចុប្បន្ននគរបាលស្រុកបានឃាត់ខ្លួននិងរៀបចំសំណុំរឿងបញ្ជូនជនសង័្សយខាងលេីមកការិយាល័យជំនាញអនុវត្តតាមនីតិវិធីច្បាប់៕ដោយ៖សហការី
