ភ្នំពេញ៖ បុរសម្នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណៈជិះម៉ូតូលឿនមិនប្រយ័ត្នដល់បំបែកជាបួនមិនបន្ថយល្បឿនក៏ជ្រុលបុករថយន្តពីចំហៀងពេញទំហឹងកាលពីវេលាម៉ោង១១និង៥០នាទីយប់ ថ្ងៃទី១៣ ខែវិច្ឆិកា ឆ្នាំ២០២២ នៅចំណុចផ្លូវលេខ៤៣២កែងផ្លូវលេខ៩៥ ក្នុងសង្កាត់បឹងត្របែក ខណ្ឌចំការមន។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកហីយ៉ាន់ដាយ ពណ៌ស ពាក់ស្លាកលេខភ្នំពេញ2BG 3334 ធ្វេីដំណេីរតាមបណ្តោយផ្លូវលេខ៤៣២ ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែមានបុរសម្នាក់ជិះម៉ូតូម៉ាកប៊ិត ពណ៌សពាក់ស្លាកលេខកំពង់ធំ1O 5205 ធ្វេីដំណេីរតាមបណ្តោយផ្លូវលេខ៩៥ ក្នុងទិសដៅពីជេីងទៅត្បូងជ្រុលបុកពីចំហៀងរថយន្តពេញទំហឹងបណ្តាលឲ្យរងរបួស។
ក្រោយកេីតហេតុជនរងគ្រោះត្រូវបានរថយន្តសង្គ្រោះឯកជនដឹកយកទៅមន្ទីរពេទ្យភ្លាមៗចំណែករថយន្តនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករងចាំដោះស្រាយពេលក្រោយ៕
ដោយ៖សុខាសែនជ័យ
