ភ្នំពេញ៖ បុរស២នាក់អង្គុយផឹកស៊ីជាមួយគ្នាខណៈស្រវឹងរៀងខ្លួនបុរសម្នាក់ចោទថាបុរសម្នាក់លួចមានទំនាក់ទំនងជាមួយប្រពន្ធខ្លួនក៏ប្រកែងគ្នាយ៉ាងតឹងសរសៃ ករៀងខ្លួនកេីតជាហឹង្សាវាយទៅវិញទៅមកបណ្តាលឲ្យរងរបួសសងខាង។
ហេតុការណ៍នេះបានកេីតឡេីងកាលពីវេលាម៉ោង៣រៀលថ្ងៃទី១៥ ខែវិច្ឆិកាឆ្មាំ២០២២ នៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ភាគីខាងឈ្មោះ សំណាក់ ភេទប្រុសអាយុ៣៩ឆ្នាំ មានប្រពន្ធឈ្មោះលក ម៉ាលីន អាយុ៤២ឆ្នាំ មានស្រុកកំណេីតនៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
ភាគីម្ខាងទៀតឈ្មោះម៉ៅចាន់ថន ភេទប្រុសអាយុ៤១ឆ្នាំ មុខរបរកម្មករសំណង់ ស្នាក់នៅកន្លែងកេីតហេតុ។
តាមប្រភពព័ត៌មានបានឲ្យដឹងថា មុនពេលកេីតហេតុបុរសឈ្មោះម៉ៅ ចាន់ថន បានអង្គុយផឹកម្នាក់ឯងនៅកន្លែងការងារបន្ទាប់មកបុរសឈ្មោះសំ ណាក់ បានមកសុំផឹកជាមួយដែរ ខណៈផឹកស្រវឹងរៀងខ្លួនបុរសឈ្មោះសំណាក់ក៏បានចោទបុរសឈ្មោះម៉ៅ ចាន់ថន ថាលួចទាក់ទងជាមួយប្រពន្ធខ្លួន។
ប្រភពដដែលបានបន្តថា ពេលនេះឈ្មោះម៉ៅ ចាន់ថនបានប្រកែកថាមិនដែលស្គាល់ប្រពន្ធសំណាក់នោះទេ តែនៅតែមិនជឿក៏កេីតជាជម្លោះវាយគ្នាទៅវិញទៅមកបណ្តាលឲ្យរងរបួសទាំងសងខាង។
ក្រោយកេីតហេតុសមត្ថកិច្ចចុះទៅដល់ចំណុចកេីតហេតុដោយសារតែភាគីទាំងសងខាងមិនមានប្តឹងផ្តល់គ្នា ទេីបឲ្យទៅលាងរបួសរៀងខ្លួន៕ដោយ៖សុខាសែនជ័យ
