ខេត្តស្វាយរៀង: មានករណីហិង្សាដោយចេតនាប្រព្រឹត្តដោយសហព័ទ្ធ
មួយបានកើតឡើងទៅលើគ្រួសារមួយគួរអោយហួសចិត្តខណៈគ្រាន់តែប្រពន្ធផ្ញើអីវ៉ាន់ខុសរថយន្តដែលធ្លាប់ផ្ញើពីមុនបុរសម្នាក់ខឹងស្ទុះទៅដាល់ជាច្រើនដៃ ចំកញ្ជឹងកនិងគុម្ពត្រចៀករួចចាប់ឣូសយកទៅអុកនិងគ្រែដែកបណ្តាលឣោយសន្លប់ស្ដូករួចរត់គេចខ្លួនបាត់ស្រមោល។

ហេតុការណ៍នេះបានកើតឡើងកាលពីវេលាម៉ោង៨និង២០នាទីយប់ថ្ងៃទី១៩ខែធ្នូឆ្នាំ២០២២ ស្ថិតនៅចំណុចភូមិកំពង់ត្រាច ឃុំកំពង់ត្រាចស្រុករមាសហែក។

យោងតាមសមត្ថកិច្ចនគរបាលស្រុកបានអោយដឹងថាជនរងគ្រោះជាប្រពន្ធមានឈ្មោះយ៉េង ឡៃហួយ ឣាយុ២៩ឆ្នាំមុខរបរលក់ដូរក្រោយកើតហេតុត្រូវបានសាច់ញាត្តិក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកស្រុករមាសហែក។

ចំណែកជនសង្ស័យជាប្ដីមានឈ្មោះពៅ វិទូ(ហៅសុះ)ឣាយុ៤០ឆ្នាំជនជាតិខ្មែរមុខរបរលក់ដូររស់នៅភូមិកំពង់ត្រាច ឃុំកំពង់ត្រាចស្រុករមាសហែកក្រោយបង្កហេតុឃើញសភាពការណ៍មិនស្រួលបានរត់គេចខ្លួនភ្លាមៗ។

តាមសាក្សីបានអោយដឹងថាមុនកើតហេតុគេឃើញ២នាក់ប្ដីប្រពន្ធមួយគ្រួសារបានឈ្លោះប្រកែកគ្នាដោយខឹង
ប្រពន្ធផ្ញើអីវ៉ាន់ខុសរថយន្តដែលធ្លាប់ផ្ញើរហូតឈានដល់ប្រើហិង្សា ស្ទុះទៅដាល់ជាច្រើនដៃ ចំកញ្ជឹងកចំនួន៤ដៃនិងគុម្ពត្រចៀក៣ដៃរួចចាប់ឣូសយកទៅអុកនិងគ្រែដែកបន្តទៀតបណ្តាលឣោយសន្លប់ស្ដូករួចរត់គេចខ្លួនបាត់ស្រមោល។

សូមបញ្ជាក់ជូនថា ជនសង្ស័យជាប្ដីធ្លាប់ប្រព្រឹត្តអំពើហិង្សាលើប្រពន្ធម្ដងរួចមកហើយខណ:សមត្ថកិច្ចបានហៅមកធ្វើកិច្ចសន្យាអប់រំអោយឈប់ប្រើហិង្សាបន្តទៀត។

បច្ចប្បន្នជនសង្ស័យ  សមត្ថកិច្ចកំពុងធ្វើការស្រាវជ្រាវតាមរកឃាត់ខ្លួនមកចាត់ការបន្តតាមច្បាប់អោយខានតែបាន៕ ដោយ៖ សុថាន