ភ្នំពេញ៖ បុរសជាជាងជួសជុលរថយន្ត២នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗខណៈដូយរថយន្តកំពុងជួសជុលស្រាប់តែធ្លាកដូយក្រឡាប់រថយន្តសង្កត់ បង្កការភ្ញាក់ផ្អេីលកាលពីវេលាម៉ោង៩និង៤០នាទីព្រឹកថ្ងៃទី២៥ ខែធ្នូ ឆ្នាំ២០២២ នៅចំណុចខាងកេីតសាលាសង្កាត់ចោមចៅទី៣ តាមបណ្តោយផ្លូវបេតុងកែងផ្លូវបេតុង ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ។
រថយន្តខាងលេីម៉ាកហ៊ីយ៉ាន់ដាយ ពណ៌ស ពាក់ស្លាកលេខតាកែវ3A 3768 ដឹកគ្រឿងសំណង់ពេញព្រាបរថយន្ត។
តាមប្រភពព័ត៌មានបានឱ្យដឹងថា មុនពេលកេីតហេតុរថយន្តខាងលេីបានខូចផ្នែកកង់ខាងក្រោយបន្ទាប់មកម្ចាស់រថយន្តក៏ហៅជាងដេីម្បីមកជួសជុលខណៈកំពុងដូយជួលជុលស្រាប់តែធ្លាក់ដូយក្រឡាប់រថយន្តមកសង្កត់ជាងបណ្តាលឱ្យរងរបួសធ្ងន់២នាក់និងផ្ទះប្រជាពលរដ្ឋរងការខូចខាតភ្លាមនោះត្រូវបានបងប្អូនប្រជាពលរដ្ឋនាំគ្នាជួសគាស់យកជនរងគ្រោះចេញនិងបញ្ជូនទៅមន្ទីរពេទ្យភ្លាមៗ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនិងស្ទូចយករថយន្តខាងលេីទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរងចាំដោះស្រាយពេលក្រោយ៕
ដោយ៖សុខាសែនជ័យ
