ខណៈដែលភាពសប្បាយរីករាយនៃឆ្នាំថ្មីមិនទាន់បានពេញលេញនៅឡើយនោះ ពិភពលោកនៅតែបន្តប្រឈមមុខនឹងការភ័យខ្លាចនៃរលកថ្មីនៃការឆ្លងរាលដាលកូវីដ-១៩។ ប្រទេសជាច្រើនជុំវិញពិភពលោកបានរាយការណ៍ពីការកើនឡើងនៃចំនួនអ្នកឆ្លងនៅក្នុងថ្ងៃដំបូងនៃឆ្នាំ២០២៣ ហើយបានប្រកាសពីការអនុវត្តវិធានការរឹតត្បិតថ្មីដើម្បីគ្រប់គ្រងជំងឺនេះ។

កាលពីថ្ងៃទី២ ខែមករា ប្រទេសកូរ៉េខាងត្បូងបានកត់ត្រាករណីកូវីដ-១៩ថ្មីជាង៨១.០០០ករណី ដែលកើនឡើងប្រហែល ២២.០០០ករណីបើធៀបនឹងថ្ងៃមុន។ មជ្ឈមណ្ឌលគ្រប់គ្រងនិងបង្ការជំងឺកូរ៉េ (KDCA) ក៏បានរាយការណ៍ផងដែរថា ចំនួនករណីជាមធ្យមរបស់ប្រទេសកាលពីសប្តាហ៍មុនគឺប្រហែល ៨០.០០០ករណីក្នុងមួយថ្ងៃ។ នៅប្រទេសជប៉ុនចំនួនករណីថ្មីដែលបានកត់ត្រានៅថ្ងៃទី១ ខែមករា មានចំនួន ៨៦.០០០ករណី ដែលចំនួនជាមធ្យមសម្រាប់សប្តាហ៍គឺ ១៤៧.០០០ករណីក្នុងមួយថ្ងៃ។
យោងតាមស្ថិតិរបស់អង្គការសុខភាពពិភពលោក (WHO) ប្រទេសជប៉ុនគឺជាប្រទេសដែលមានចំនួនអ្នកឆ្លងជំងឺកូវីដ-១៩ ច្រើនជាងគេលើពិភពលោក ហើយចំនួនអ្នកស្លាប់ដោយសារជំងឺកូវីដ-១៩ ច្រើនជាងគេទីពីរនៅលើពិភពលោកបន្ទាប់ពីសហរដ្ឋអាមេរិក។ នៅសហរដ្ឋអាមេរិក ស្ថានភាពមិនប្រសើរជាងនេះទេ នៅពេលដែលគិតត្រឹមសប្តាហ៍ចុងក្រោយនៃខែធ្នូ សហរដ្ឋអាមេរិកបានកត់ត្រាករណីឆ្លងកូវីដ-១៩ សរុបជាង១០០លានករណី។ អ្នកជំនាញនិយាយថា ចំនួនពិតប្រាកដនៃការឆ្លងថ្មីនៅសហរដ្ឋអាមេរិកអាចកើនឡើងទ្វេដង។
មន្ត្រីសុខាភិបាលអាមេរិកកំពុងរៀបចំសម្រាប់ការផ្ទុះឡើងនៃជំងឺនេះបន្ទាប់ពីថ្ងៃឈប់សម្រាក នៅពេលដែលមនុស្សជាច្រើនបានបោះបង់ចោលទាំងស្រុងនូវច្បាប់ដើម្បីការពារការរីករាលដាល។ ក្តីបារម្ភក៏កំពុងកើនឡើងផងដែរ នៅពេលដែលមេរោគគ្រុនផ្តាសាយ និងវីរុស syncytial ផ្លូវដង្ហើម (RSV) នៅតែចរាចរ។ អ្នកជំនាញហៅការរីករាលដាលទាំងបីនេះថា “ជំងឺរាតត្បាតត្រួតស៊ីគ្នា” ដែលអាចដាក់សម្ពាធកាន់តែខ្លាំងលើប្រព័ន្ធសុខភាពដែលលើសលប់រួចហើយ។
ទន្ទឹមនឹងនោះ ប្រទេសចិនដែលជាប្រទេសដែលទើបតែបោះបង់ចោលនូវគោលនយោបាយ «សូន្យកូវីដ» ហើយនឹងបើកព្រំដែនចាប់ពីថ្ងៃទី៨ ខែមករានេះ ខេត្ត ក្រុងជាច្រើនបានចេញការព្រមានម្តងហើយម្តងទៀតក្នុងរយៈពេលប៉ុន្មានថ្ងៃថ្មីៗនេះ។ ការរាតត្បាតនឹងធ្លាក់ចុះនៅពាក់កណ្តាលខែមករាឆ្នាំ២០២៣ ជាមួយនឹងការឆ្លងរាប់រយរាប់ពាន់នាក់ក្នុងមួយថ្ងៃនៅតាមតំបន់នីមួយៗ។
ការព្រួយបារម្ភនៅតែបន្តកើនឡើងនៅពេលដែលខែមករាឆ្នាំ ២០២៣ គឺជាពេលវេលាដែលថ្ងៃឈប់សម្រាកនៅអឺរ៉ុបនិងអាស៊ីជាច្រើនត្រូវបានប្រមូលផ្តុំ ហើយការកើនឡើងភ្លាមៗនៃចំនួនមនុស្សផ្លាស់ទីអាចជំរុញឱ្យមានរលកនៃការឆ្លង។ អគ្គនាយក WHO លោក Tedros Adhanom Ghebreyesus បានព្រមានថា “ទិដ្ឋភាពនៃ Covid-19” នៅតែមាន ហើយបានស្នើឱ្យប្រទេសនានាពង្រឹងវិធានការបង្ការ៕ ដោយធីរីណា

រូប​ថត​ :Reuters