ក្របខ័ណ្ឌបាល់ទាត់អេស្ប៉ាញ La Liga បានលើកឡើងថា ខ្លួនបានដាក់ការចោទប្រកាន់ពាក់ព័ន្ធនឹងការបំពានការរើសអើងជាតិសាសន៍របស់ខ្សែប្រយុទ្ធ Vinicius Jr ទៅ “ស្ថាប័នតុលាការរដ្ឋបាល និងកីឡាដែលពាក់ព័ន្ធ” ។
ខ្សែបម្រើស្លាបរបស់ក្លិប Real Madrid វ័យ២២ឆ្នាំរូបនេះបាននិយាយកាលពីសប្តាហ៍មុនថា លីកអេស្ប៉ាញ “នៅតែបន្តធ្វើអ្វីទាំងអស់” អំពី “ការរើសអើងជាតិសាសន៍” ក្នុងការចូលរួមការប្រកួត។ កីឡាករសញ្ជាតិប្រេស៊ីលរូបនេះហាក់ដូចជាទទួលរងនូវការតិះដៀលរើសអើងជាតិសាសន៍ពីសំណាក់អ្នកគាំទ្រអំឡុងពេលប្រកួតឈ្នះ ២–០ នៅលើទឹកដីក្រុម Real Valladolid កាលពីថ្ងៃទី២០ ខែធ្នូកន្លងទៅ។
នៅក្នុងសេចក្តីថ្លែងការណ៍មួយ La Liga បានប្រកាសថា អាកប្បកិរិយាបំពានមិនមានកន្លែងនៅក្នុងកីឡាទេ។ ការចោទប្រកាន់ព្រហ្មទណ្ឌសម្រាប់ឧក្រិដ្ឋកម្មស្អប់ខ្ពើម ដែលត្រូវបានគាំទ្រដោយវីដេអូឃ្លីប ដែលត្រូវបានបង្ហោះចូលទៅក្នុងបណ្តាញទំនាក់ទំនងសង្គម ត្រូវបានដាក់ទៅកាន់តុលាការ Valladolid Magistrates នៃ La Liga ។
លីកបានសង្កត់ធ្ងន់ថា ខ្លួននឹងបង្កើនកិច្ចខិតខំប្រឹងប្រែងដើម្បី “លុបបំបាត់រាល់អំពើហិង្សា ការរើសអើងជាតិសាសន៍ ឬការរើសអើងពូជសាសន៍ក្នុង និងក្រៅកីឡដ្ឋាន“។
នៅកន្លែងដែលត្រូវបានចាត់ទុកថា ជាហានិភ័យនៃអាកប្បកិរិយារើសអើងជាតិសាសន៍ដែលអាចកើតមាននៅក្នុងកីឡាករ លីក La Liga បានបន្ថែមថា សារនឹងត្រូវបានចាក់ផ្សាយតាមប្រព័ន្ធផ្សព្វផ្សាយសាធារណៈ និងការស្តុកទុកការផ្សាយពាណិជ្ជកម្មជុំវិញទីលានដើម្បី “ប្រយុទ្ធប្រឆាំង និងថ្កោលទោសការរើសអើងជាតិសាសន៍“។
គួររំលឹកថា កាលពីខែតុលា ឆ្នាំ២០២១ ក្របខ័ណ្ឌ La Liga បានរាយការណ៍ពីការប្រមាថការរើសអើងជាតិសាសន៍ ដែលសំដៅលើកីឡាករអន្តរជាតិប្រេស៊ីល Vinicius ទៅកាន់ការិយាល័យរបស់ព្រះរាជអាជ្ញាម្តងរួចមកហើយ។ ព្រះរាជអាជ្ញាអេស្ប៉ាញបានបិទការស៊ើបអង្កេតមួយកាលពីខែមុនលើការស្រែករើសអើងជាតិសាសន៍ដោយអ្នកគាំទ្រក្លិប Atletico Madrid ហើយបាននិយាយថាវាមិនអាចកំណត់អត្តសញ្ញាណអ្នកដែលពាក់ព័ន្ធបានទេ ៕ (រូបភាព ៖ BBC Sport)Leeds United ទិញបានខ្សែការពារ Max Wober ពីក្លិប Red Bull Salzburg
ក្លិប Leeds United បានចុះហត្ថលេខាលើខ្សែការពារសញ្ជាតិអូទ្រីស Max Wober ពីក្លិប Red Bull Salzburg ក្នុងកិច្ចសន្យារយៈពេល៤ឆ្នាំកន្លះ ក្នុងតម្លៃមិនបង្ហាញ។
កីឡាករវ័យ២៤ឆ្នាំរូបនេះបានលេងក្រោមការបង្វឹកលោក Jesse Marsch នៅ Salzburg ជាកន្លែងដែលគាត់បានបង្ហាញខ្លួន១២៥ដង។
ខ្សែការពារ Wober ដែលអាចដំណើរការទាំងខ្សែការពារកណ្តាល និងខ្សែការពារឆ្វេង ក្លាយជាកីឡាករដំបូងរបស់ក្លិប Elland Road នៃទីផ្សារដោះដូរកីឡាករខែមករា។ គាត់អាចបង្ហាញខ្លួនជាលើកដំបូងក្នុងការប្រកួត FA Cup ជុំទី៣នៅថ្ងៃអាទិត្យជាមួយក្រុម Cardiff City ។
កីឡាករ Wober បានក្លាយជាកីឡាករថ្លៃបំផុតរបស់ Bundesliga របស់អូទ្រីសក្នុងខែសីហា ឆ្នាំ២០១៩ នៅពេលដែលគាត់បានបំពេញការផ្ទេរ១០.៥លានអឺរ៉ូពីក្លិប Ajax ទៅកាន់ Salzburg ។
ក្នុងអំឡុងពេល៣ឆ្នាំកន្លះកន្លងមកនៅកីឡដ្ឋាន Red Bull Arena កីឡាករ Wober បានឈ្នះពានរង្វាន់ Austrian League ២ដងនិង Austrian Cup ៣ដងជាប់ៗគ្នា ៕ (រូបភាព ៖ BBC Sport/Leeds United)
