ក្លិបតោខៀវ Chelsea បានចុះហត្ថលេខាលើខ្សែការពារសញ្ជាតិបារាំង Benoit Badiashile ពីក្លិប Monaco ក្នុងតម្លៃ៣៥លានផោនក្នុងកិច្ចសន្យារយៈពេល៧ឆ្នាំកន្លះ។ Badiashile វ័យ២១ឆ្នាំបានចំណាយពេល៥រដូវកាលនៅ Ligue 1 និងបានបង្ហាញខ្លួន១៣៥ប្រកួតសម្រាប់ Monaco ។ ខ្សែ ការពារ កណ្តាលរូបនេះ បាន បង្ហាញ ខ្លួន ជា លើក ដំបូង ក្នុង ឆាក អន្តរជាតិ ក្នុងខែ កញ្ញា ទល់ នឹង អូទ្រីស ហើយ លេង បាន២ប្រកួតឲ្យជម្រើសជាតិ។

 Badiashile បាននិយាយថា “ខ្ញុំសប្បាយចិត្តណាស់ដែលបាននៅទីនេះនៅ Chelsea។ ខ្ញុំមិនអាចរង់ចាំមើលអ្នកគាំទ្រ និងចាប់ផ្តើមលេងក្នុងលីកល្អបំផុតក្នុងពិភពលោក“។

 Badiashile បានចូលរួមជាមួយ Monaco ក្នុងឆ្នាំ២០១៦ និងបានបង្ហាញខ្លួនជាលើកដំបូងនៅ Ligue 1 ទល់នឹងក្រុម Paris St-Germain ក្នុងខែវិច្ឆិកា ឆ្នាំ២០១៨ នៅពេលដែល Thierry Henry ជាអ្នកគ្រប់គ្រង។ គាត់បានបង្ហាញខ្លួននៅក្នុងក្របខ័ណ្ឌChampions League និង Europa League សម្រាប់ក្លិបបារាំងមួយនេះ ហើយបានស៊ុតបញ្ចូលទីបាន៦គ្រាប់ និងបញ្ជូនបាល់ឱ្យមិត្តរួមក្រុមស៊ុតចំនួន៣ដង។

 លោក Paul Mitchell នាយកផ្នែកកីឡារបស់ក្លិប Monaco បាននិយាយថា “ការរីកចម្រើនរបស់ Benoit ក្នុងរយៈពេល២កន្លះកន្លះចុងក្រោយនេះ ពីកីឡាករវ័យក្មេងម្នាក់ដែលតស៊ូដើម្បីនាំយកទេពកោសល្យរបស់គាត់គឺជាសក្ខីភាពចំពោះអាកប្បកិរិយារបស់គាត់ និងបុគ្គលិកលក្ខណៈក្នុងការទទួលយកស្តង់ដារវិជ្ជាជីវៈខ្ពស់។ ការចុះហត្ថលេខាជាមួយក្លិបធំជាងគេមួយនៅអឺរ៉ុបគឺជាផ្លែផ្កានៃការងារដែលកំពុងត្រូវបានសម្រេច និងក្រុមដំបូងរបស់យើង ហើយជាថ្មីម្តងទៀតបង្ហាញពីសមត្ថភាពរបស់ Monaco ក្នុងការអភិវឌ្ឍន៍កីឡាករវ័យក្មេងដល់កម្រិតខ្ពស់បំផុត“។

ប្រធានក្លិបតោខៀវ Todd Boehly បាននិយាយថា “យើងរីករាយក្នុងការស្វាគមន៍ Benoit មកកាន់ Chelsea។ គាត់ជាកីឡាករវ័យក្មេងដ៏ល្អម្នាក់ដែលបានបង្កើតកេរ្តិ៍ឈ្មោះដ៏រឹងមាំសម្រាប់ខ្លួនគាត់យ៉ាងឆាប់រហ័ស និងមានបទពិសោធន៍យ៉ាងច្រើនសម្រាប់វ័យក្មេងរបស់គាត់។ យើងប្រាកដថាគាត់នឹងបង្កើតជាផ្នែកសំខាន់មួយរបស់ក្រុមរបស់យើងនៅប៉ុន្មានឆ្នាំខាងមុខ“។

 បច្ចុប្បន្នក្រុម Chelsea ក្រោមការដឹកនាំរបស់លោក Graham Potter គ្មានខ្សែការពារ Wesley Fofana, Reece James និងBen Chilwell ដោយសាររបួស ៕ (រូបភាព ៖ BBC Sport)