ភ្នំពេញ៖ បេីយោងតាមប្រភពព័ត៍មានពីរបាយការណ៍របស់ការិយាល័យបង្ការពន្លត់អគ្គីភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ នៅរសៀលថ្ងៃអង្គារទី១៧ ខែមករា ឆ្នាំ២០២៣នេះថា៖ មានករណីអគ្គិភ័យមួយបានឆាបឆេះភោជនីយដ្ឋាន ឡុង កី មួយកន្លែង កាលពីព្រឹកមិញនេះ ដែលសិ្ថតនៅចំណុចផ្ទះលេខ២៤ ផ្លូវលេខ២៨៩ ភូមិខ១ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
ហេតុការណ៍អគ្គិភ័យឆាបឆេះខាងលេីនេះ គឺបណ្តាលមកពីការធ្លាយទុយោហ្គាស់បង្កជាអគ្គិភ័យ ក្នុងនោះបានបណ្តាលឲ្យឆាបឆេះធុងហ្គាស់ចំនួន ១ធុង, សម្ភារៈចុងភៅមួយចំនួន និងពុំបណ្តាលឲ្យឆេះរាលដាលដល់ផ្ទះអ្នកជិតខាងឡេីយ។ ដោយនៅក្នុងករណីខាងលេីនេះ បានបណ្តាលឲ្យមនុស្សម្នាក់រងរបួសស្រាល
របាយការណ៍ដដែលបន្តថា អគ្គិភ័យនេះត្រូវបានពន្លត់បានទាំងស្រុង នៅវេលាម៉ោង ៧និង០៥នាទីព្រឹកនាថ្ងៃខែឆ្នាំដដែល ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ៤គ្រឿង ប្រេីប្រាស់ទឹកអស់ ១ឡាន ស្មើរនឹង ៤ម៉ែត្រគូប៕
ដោយ៖សហការី
