ភ្នំពេញ៖ កូនតុងទីនចំនួន១៣៥នាក់ជាជនរងគ្រោះត្រូវបាន មេវេចលុយជាង២០ម៉ឺនដុល្លាររត់បាត់ទុកឲ្យកូនៗរងគ្រោះហើយពុំមានដំណោះស្រាយ រយៈពេលជិត៣ខែរហូតមកដល់វេលាម៉ោង០២និង៣០នាទីរសៀលថ្ងៃទី៦ ខែមិថុនា ឆ្នាំ២០១៦ រហូតមកដល់ព្រឹកថ្ងៃទី០៧ខែ ឆ្នាំដដែល កូនតុងទីន ជាង៣០នាក់តំណាងឲ្យ១៣៥នាក់បាននាំគ្នាមកសុំការអន្តរាគមន៍ពីចៅសង្កាត់ចោមចៅសារជាថ្មី។
អ្នកស្រីមាសស៊ុនលី អាយុ៣៤ឆ្នាំអាជីវករលក់ដូរនៅផ្សារឯករាជ្យ២ភូមិព្រៃព្រីងជើង សង្កាត់ចោមចៅមានទីលំនៅភូមិគោកចំបក់ សង្កាត់ចោមចៅ បានឲ្យដឹងថាពួកគាត់លេងតុងទីនជាមួយ ស្រ្តីម្នាក់ឈ្មោះទឹមស្រីនាងអាយុ៤៣ឆ្នាំជាអាជីវករលក់ដូរក្នុងផ្សារឯករាជ្យ២ជាមួយគ្នា ដែលមានទីលំនៅភូមិត្រពាំងធ្នង់សង្កាត់សំរោងក្រោមខណ្ឌពោធិ៍សែនជ័យសរុបគ្នាលេងចំនួន១៣៥នាក់មានក្បាល ១ម៉ឺនរៀល រហូតដល់២០០ដុល្លារមានដេញ ប្រចាំថ្ងៃនិងដេញ១ខែម្តងអស់ជាច្រើនខែ ។
គាត់និយាយថាលុះរហូតដល់ថ្ងៃទី៤ខែមេសាឆ្នាំ២០១៦ មេតុងទីន វេចលុយសរុបជាង២០ម៉ឺនដុល្លារ រត់គេចខ្លួនបាត់ទុកឲ្យកូនៗរងគ្រោះរត់ទៅប្តឹងអាជ្ញាធរ២ដង រួចមកហើយ ។រហូតមកដល់ពេលនេះ ពុំមានដំពោះស្រាយទើបនៅព្រឹកថ្ងៃទី៦ ទី៧ ខែមិថុនា ឆ្នាំ២០១៦ កូនតុងទីនជាង៣០នាក់ជាតំណាងលើកគ្នា មកសុំការអន្តរាគមន៍ពីអាជ្ញាធរសង្កាត់ចោមចៅសារជាថ្មីទៀត ។
អ្នកស្រី អៀង នី អាយុ៥៤ឆ្នាំអាជីវករលក់ដូររស់នៅភូមិព្រៃព្រីងជើងសង្កាត់ចោមចៅបានឲ្យដឹងថា គាត់ជាជនរងគ្រោះដោយសារមេតុងទីនស្រីនាងវេចលុយរត់ទៅបាត់គាត់ខាតបង់សរុបជាទឹកប្រាក់ សម្រាប់ផ្ទាល់ខ្លួនអស់ជាង៤០០០ដុល្លារ ។
លោកសុទ្ធ សាធ ចៅសង្កាត់ចោមចៅបានឲ្យដឹងថារឿងរ៉ាវខាងលើបន្ទាប់ពី ទទួលបណ្តឹងពីជនរងគ្រោះ ហើយពុំមានដំណោះស្រាយ ខណៈមេតុងទីនឈ្មោះទឹមស្រីនាងបានរត់គេចទៅបាត់ ។ សំណុំរឿងអាជ្ញាធរ បានត្រឹមរាយការណ៍និងបញ្ជូនបន្តទៅថ្នាក់ខណ្ឌទៅតាមលំដាប់លំដោយតាមនីតិវិធី ៕
ដោយ៖ សុខាសែនជ័យ
