ភ្នំពេញ៖ នៅរសៀលថ្ងៃទី៧ ខែមិថុនា ឆ្នាំ២០១៦ កម្លាំងនគរបាលខណ្ឌឫស្សីកែវ បានឆ្មក់បង្ក្រាទីតាំងប្រើប្រាស់គ្រឿងញៀនមួយកន្លែង ស្ថិតនៅតាមបណ្តោយផ្លូវរថភ្លើង ក្រុមទី៩ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ដោយក្នុងនោះ យុវជន៦នាក់ដែលប្រើប្រាស់ថ្នាំញៀន ត្រូវបានឃាត់ខ្លួននាំមកអធិការដ្ឋាននគរបាលខណ្ឌ ដើម្បីចាត់ការបន្តទៅតាមផ្លូវច្បាប់ ។

ក្នុងករណីបង្ក្រាបករណីប្រើប្រាស់ថ្នាំញៀនរបស់សមត្ថកិច្ចខណ្ឌឫស្សីកែវខាងលើនេះ មាន២បន្ទប់ជាប់គ្នា ហើយ ជនដែលប្រើប្រាស់ តែងតែនាំគ្នាមកពពាក់ពពូន ប្រមូលផ្តុំគ្នាមកសេពគ្រឿងញៀនខាងលើនេះ ។

នៅក្នុងការបង្ក្រាបរាល់បទល្មើសដែលបានកើតឡើងក្នុងខណ្ឌឫស្សីកែវ ជាពិសេសករណីឆក់ ប្លន់ គាស់ផ្ទះ ប្រើប្រាស់ ជួញដូរគ្រឿងញៀន កម្លាំងនគរបាលខណ្ឌឫស្សីកែវ ក៏ដូចនគរបាលមូលដ្ឋាន បង្ក្រាបបានជាបន្តបន្ទាប់ ហើយបញ្ជូនទៅកាន់សាលារាជធានីភ្នំពេញផងដែរ ៕

ដោយ៖ អារុណរះ