ខេត្តកណ្តាល:​ លោកញ៉ែម​ សារ៉ាឌី​ មានមុខងារជាមន្ត្រីជំនាញសុរិយោដីរាជធានីភ្នំពេញ​ បានរំលោភយកដីចំណីផ្លវសាធារណះ​ ។ ខណៈខាងជំនាញមន្ទីររៀបចំដែនដី​នគរូបនីយកម្ម សំណង់ និងសុរិយោដីខេត្តកណ្តាល កំណត់ទុកផ្លូវ(6ម៉ែត្រ)តែបច្ចុប្បន្នផ្លូវនេះនៅសល់តែ2ម៉ែត្រ1តិកតែប៉ុណ្ណោះ ។ ធ្វេីអោយប្រជាពលរដ្ឋពិបាកធ្វេីដំណេីរចេញ​ ចូល​ ឬអាចប្រឈមនឹងហានិភ័យនូវពេលដែលមានអគ្គីភ័យកេីតឡេីង​ មិនអាចឡានទឹកបេីកចូលដេីម្បីជួយពន្លត់បានឡេីយ។ ដូច្នេះហេីយប្រជាពលរដ្ឋប្រមាណ១២នាក់តំណាងប្រជាពលរដ្ឋជាច្រេីនគ្រួសារដែលរស់នៅអមសងខាងផ្លូវលំស្ថិតនៅក្នុងភូមិព្រែកឬស្សី​ សង្កាត់ព្រែកឬស្សី​ ក្រុងតាខ្មៅ​ បានផ្តិតមេដៃសំណេីសុំកិច្ចអន្តរាគមន៍ពីលោកគង់​ សោភ័ណ្ឌ​ អភិបាលនៃគណៈអភិបាលខេត្តកណ្តាលមេត្តាជួយអន្តរាគន៍ ដោយបញ្ជាក់ក្នុងលិខិតស្នើសុំអន្តរាគមន៍យ៉ាងដូច្នេះថា, យើងខ្ញុំទាំងអស់គ្នា សូមគោរពអនុញ្ញាតជម្រាបជូន លោក អភិបាល នៃគណ:អភិបាល ខេត្តកណ្តាល មេត្តាជ្រាបដ៏ខ្ពង់ខ្ពស់ថា៖ ផ្លូវនេះមានទំហំ ៦ម៉េត្រ គិតតាមប្លង់គោលរបស់មន្ទីររៀនំដែនដី នគរូបនីយកម្ម សំណង់ និងសុរិយោដីខេត្តកណ្តាល ប៉ុន្តែនៅពេលបច្ចុប្បន្នផ្លូវនេះមានទំហំត្រឹមតែ ២,១ម៉ែត្រ តែប៉ុណ្ណោះ ដោយសារតែ ឈ្មោះ ញ៉ែម សារ៉ាឌី (ជាមន្ត្រីជំនាញសុរិយោដី) និង ឈ្មោះ អ៊ុក ចាន់ណាត បានធ្វើរបង រំលោភបំពានលើផ្លូវសាធារណៈដែលផ្ទុយនឹងច្បាប់ទាំងស្រុង និងខុសគោលការណ៍របស់ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ដែល បានចែករួចមកហើយ នេះជាការរំលោភបំពានសិទ្ធិយ៉ាងធ្ងន់ធ្ងរមកលើប្រជាពលរដ្ឋស្លូតត្រង់ដែលរស់នៅក្នុងភូមិ ព្រែកឬស្សី សង្កាត់ព្រែកឬស្សី ក្រុងតាខ្មៅ ខេត្តកណ្តាល។ ដើម្បីតែផលប្រយោជន៍ផ្ទាល់ខ្លួន និងមិនគិតពីផលប៉ះ ពាល់ដល់ប្រជាពលរដ្ឋ ដែលត្រូវធ្វើដំណើរទៅមកក្នុងការប្រកបមុខរបរដើម្បីចិញ្ចឹមជីវិតប្រចាំថ្ងៃ។

ដើម្បីការពារផលប្រយោជន៍យើងខ្ញុំទាំងអស់ជាប្រជាពរដ្ឋ និងទប់ស្កាត់រាល់គ្រប់សកម្មភាពទុច្ចរិតអំពីការ រំលោភបំពានរបស់បុគ្គលទាំងពីរខាងលើ យើងខ្ញុំសូមគោរពស្នើសុំដ៏ខ្ពង់ខ្ពស់ដល់ លោកអភិបាលខេត្ត មេត្តាជួយ ពិនិត្យ និងជួយអន្តរាគមន៍ ក្នុងករណីខាងលើ ដោយក្តីអនុគ្រោះបំផុត ៕

ដោយ : មជ្ឈមណ្ឌលព័ត៌មាន”នគរវត្ត”