រហូតមកដល់ពេលនេះ បណ្តាប្រទេសនៅអឺរ៉ុបបានចំណាយប្រាក់ជិត៨០០ពាន់លានអឺរ៉ូ (ប្រមាណ៨៥៤ពាន់លានដុល្លារអាមេរិក) ដើម្បីជួយគ្រួសារនិងអាជីវកម្មនានាទូទាត់វិក្កយបត្រថាមពលដែលកំពុងកើនឡើងរបស់ពួកគេ។ ក្រុមអ្នកស្រាវជ្រាវនៅក្រុមហ៊ុនប្រឹក្សាយោបល់ Bruegel (បែលហ្សុិក) ដែលមានមូលដ្ឋាននៅទីក្រុងប្រ៊ុចសែលបានចេញតួលេខខាងលើនៅក្នុងរបាយការណ៍មួយដែលបានចេញផ្សាយនៅថ្ងៃទី១៣ ខែកុម្ភៈ ដោយអំពាវនាវឱ្យប្រទេសនានាចំណាយគោលដៅកាន់តែច្រើនក្នុងការឆ្លើយតបជាមួយនឹងវិបត្តិថាមពល។

យោងតាមលោក Bruegel គិតត្រឹមខែកញ្ញា ឆ្នាំ 2021 ប្រទេសនៃសហភាពអឺរ៉ុប (EU) បានបែងចែក ឬគ្រោងបែងចែកទឹកប្រាក់សរុបចំនួន 681 ពាន់លានអឺរ៉ូ ដើម្បីជួយសម្រាលបន្ទុកចំណាយលើមនុស្ស និងអាជីវកម្ម ដោយសារតម្លៃឧស្ម័ន និងថាមពលកើនឡើង។ ទន្ទឹមនឹងនេះដែរ ចក្រភពអង់គ្លេសបានចំណាយ១០៣ពាន់លានអឺរ៉ូ ហើយន័រវេសបានចំណាយ ៨.១ ពាន់លានអឺរ៉ូ។ ដូច្នេះបណ្តាប្រទេសនៅអឺរ៉ុបបានចំណាយប្រាក់សរុបចំនួន ៧៩២ ពាន់លានអឺរ៉ូ ដើម្បីដោះស្រាយបញ្ហាថាមពល ពោលគឺកើនឡើងពី ៧០៦ ពាន់លានអឺរ៉ូ នៅក្នុងរបាយការណ៍វាយតម្លៃចុងក្រោយបំផុតរបស់ Bruegel ដែលបានបោះពុម្ពផ្សាយក្នុងខែវិច្ឆិកា ឆ្នាំ 2022 នៅពេលដែលប្រទេសនានាមានរដូវរងាតឹងតែងក្នុងបរិបទនៃប្រទេសរុស្ស៊ីបានកាត់ផ្តាច់ការផ្គត់ផ្គង់ឧស្ម័នភាគច្រើនដល់ អឺរ៉ុប។
ការចំណាយរបស់រដ្ឋសហភាពអឺរ៉ុបក្នុងអំឡុងពេលវិបត្តិថាមពលឥឡូវនេះក៏ខ្ពស់ជាង 750 ពាន់លានដុល្លារ មូលនិធិស្តារសេដ្ឋកិច្ចក្រោយ COVID-19 ។
អ្នកជំនាញបាននិយាយថា ប្រទេសអាល្លឺម៉ង់ ដែលមានសេដ្ឋកិច្ចធំជាងគេរបស់សហភាពអឺរ៉ុប គឺជាអ្នកចំណាយដ៏ធំបំផុតលើវិធានការដើម្បីជួយប្រជាជននិងអាជីវកម្មឱ្យយកឈ្នះលើផលប៉ះពាល់នៃវិបត្តិថាមពល ជាមួយនឹងទឹកប្រាក់ជិត 270 ពាន់លានអឺរ៉ូ។ បន្ទាប់មកគឺចក្រភពអង់គ្លេស អុីតាលី និងបារាំង ដែលម្នាក់ៗចំណាយប្រហែល ១៥០ពាន់លានអឺរ៉ូ។
ក្រៅពីបណ្តាប្រទេសខាងលើ លុចហ្សំបួរ ដាណឺម៉ាក និងអាល្លឺម៉ង់ គឺជាប្រទេសដែលចំណាយច្រើនបំផុតដើម្បីដោះស្រាយជាមួយនឹងតម្លៃថាមពលកើនឡើង៕ ដោយធីរីណា

រូប​ថត​: T.L