សហព័ន្ធបាល់ទាត់ពិភពលោក FIFA បានត្រៀមថវិកាចំនួន១លានដុល្លារដល់មូលនិធិរបស់ខ្លួនដើម្បីផ្តល់ជំនួយមនុស្សធម៌ដល់ប្រជាជនដែលរងផលប៉ះពាល់ដោយការរញ្ជួយដីដ៏សាហាវនៅក្នុងប្រទេសទួរគី និងស៊ីរី។ នេះបើតាមការបញ្ជាក់របស់ស្ថាប័នគ្រប់គ្រងបាល់ទាត់ពិភពលោកបានប្រកាសកាលពីថ្ងៃ ទី១៧ កុម្ភៈ។

 ចំនួនអ្នកស្លាប់រួមគ្នានៅក្នុងប្រទេសទួរគី និងស៊ីរីបានកើនឡើងជាង៤៣,០០០ ហើយមនុស្សរាប់លាននាក់កំពុងត្រូវការជំនួយមនុស្សធម៌ បន្ទាប់ពីត្រូវបានចាកចេញពីផ្ទះគ្មានផ្ទះសម្បែង និងគ្មានសម្ភារៈបរិក្ខារជាមូលដ្ឋាន។

 FIFA បានប្រកាសថា ខ្លួនបានពិគ្រោះយោបល់ជាមួយសហព័ន្ធបាល់ទាត់ទួរគី (TFF) និងសមាគមបាល់ទាត់ស៊ីរី (SFA) ក៏ដូចជាអង្គការមិនមែនរដ្ឋាភិបាលអន្តរជាតិ និងក្នុងស្រុក។

 FIFA បានប្រកាសនៅក្នុងសេចក្តីថ្លែងការណ៍មួយថា “ជំនួយនឹងត្រូវបានប្រើដើម្បីទិញ និងចែកចាយសម្ភារៈមនុស្សធម៌សំខាន់ៗក៏ដូចជាផ្តល់ទីជម្រក និងការការពារបណ្តោះអាសន្ន និងសង្គ្រោះបន្ទាន់។FIFA នឹង បន្ត សហការ ជាមួយ TFF និង SFA ខណៈកំពុង តាម ដាន ស្ថានការណ៍ និង សម្រេច លើ សកម្មភាព បន្ថែម ទៀត។

 ក្របខ័ណ្ឌកំពូលអង់គ្លេស Premier League បានប្រកាសកាលពីសប្តាហ៍មុនថា ខ្លួននឹងបរិច្ចាគ១លានផោន (១.១៩លានដុល្លារអាមេរិក) ខណៈដែលស្ថាប័នគ្រប់គ្រងបាល់ទាត់អឺរ៉ុប UEFA និងមូលនិធិ UEFA សម្រាប់កុមារកំពុងបរិច្ចាគដំបូង២០០,០០០អឺរ៉ូ(២១២,៥៦០ដុល្លារអាមេរិក) ៕ (រូបភាព ៖ Reuters/CNA)