ខេត្តបាត់ដំបង៖ ដេីម្បីទប់ស្កាត់រាល់បទល្មេីសផ្សេងៗ និងបង្ការទប់ស្កាត់បង្រ្កាបបទល្មេីសគ្រឿងញៀន និងសារធាតុផ្សំគ្រឿងញៀនខុសច្បាប់ លោកឧត្តមសេនីយ៍ទោ សាត គឹមសានស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន កាលពីថ្ងៃទី២៧ ខែកុម្ភៈម្សិលមិញនេះ បានចាត់តាំងលោកវរសេនីយ៍ឯក សុខ និមល នាយការិយាល័យនគរបាលប្រឆាំងគ្រឿងញៀន ដឹកនាំកម្លាំងនគរបាលចូលរួមសហការចុះត្រួតពិនិត្យចល័តតាមដងផ្លូវក្នុងភូមិសាស្រ្តស្រុកសំពៅលូន។
ជាក់ស្ដែងក្នុងប្រតិបត្តិការនោះមានចំនួន០២គោលដៅដូចខាងក្រោម៖
*គោលដៅទី០១៖ នៅចំណុចផ្លូវលេខ57B ក្រុមទី៦ ភូមិវាលវង់ ឃុំតាស្តា ស្រុកសំពៅលូ ខេត្តបាត់ដំបង លើយានយន្តចំនួន ២៥៨គ្រឿង មនុស្ស ៤០០នាក់ស្រី ១៨០នាក់ក្នុងនោះ៖
-រថយន្តធុនធំ ចំនួន ១១៥គ្រឿង មនុស្ស ១៨៥នាក់ស្រី៧៥នាក់។
-រថយន្តធុនតូចចំនួន ១៤៣គ្រឿង មនុស្ស ២១៥នាក់ស្រី១០៥នាក់ និងម៉ូតូចំនួន ៩៣គ្រឿង មនុស្ស ១៧៥នាក់ស្រី ៩២នាក់។
*គោលដៅទី០២៖ ផ្លូវលេខ59 ក្រុមទី៥ ភូមិត្រពាំងព្រលិត ឃុំសន្តិភាព ស្រុកសំពៅលូន វេលាម៉ោង១៣និង០០នាទីរសៀល លើរថយន្តចំនួន ២៣១គ្រឿង មនុស្ស ៤៨៤នាក់ស្រី២១២នាក់ និងម៉ូតូ៦៧គ្រឿង មនុស្ស១១២នាក់ ស្រី៥៧នាក់ ក្នុងនោះ៖
-រថយន្តធុនធំ ចំនួន ៨៤គ្រឿង មនុស្ស ១៨៧នាក់ ស្រី៨២នាក់។
-រថយន្តធុនតូចចំនួន ១៤៧គ្រឿង មនុស្ស ២៩៧នាក់ ស្រី១៣០នាក់។
ជាលទ្ធផលសរុបទាំង០២គោលដៅ ៖ យានយន្តសរុប ៤៨៩គ្រឿង មនុស្ស ៨៨៤នាក់ស្រី ៣៩២នាក់ និងម៉ូតូសរុប ១៦០គ្រឿងមនុស្ស ២៨៧នាក់ស្រី ១៤៩នាក់ ។
ក្នុងកិច្ចប្រតិបត្តិការនេះសមត្ថកិច្ចបានធ្វើតេស្តលើអ្នកបើកបរយានយន្ត (អ្នកបេីកបររថយន្ត)ចំនួន ៧៤នាក់ រកឃើញផ្ទុកសារធាតុញៀន០៣នាក់ (ជាជនជាតិថៃ) ហើយបានដកហូតប័ណ្ណបើកបរ និងធ្វើការអប់រំប្រគល់ឱ្យខាងសមត្ថកិច្ចថៃ (ប៉ូលីសថៃ) នៅច្រកព្រំដែនមកធានាយកទៅធ្វើការអប់រំបន្ត។ ក្រៅពីនេះពុំបានរកឃើញសារធាតុផ្សំគីមីខុសច្បាប់ឡើយ ៕
ដោយ៖សហការី
