ខេត្តស្វាយរៀង: បុរសម្នាក់ជិះម៉ូតូសុខៗត្រូវសត្វគោឆ្លងផ្លូវបុករបួសធ្ងន់ផ្អើលអ្នកភូមិនិងអ្នកធ្វើដំណើរទាំងយប់។

ហេតុការណ៏នេះបានកើតឡើងកាលពីវេលាម៉ោង៦និង៣០នាទីយប់ថ្ងៃទី៨ ខែមីនា ឆ្នាំ២០២៣  លើផ្លូវជាតិលេខ១៣ ក្រាលកៅស៊ូ ចន្លោះគីឡូម៉ែត្រលេខ៣៥និង៣៦នៅចំណុចភូមិចុងអូរ ឃុំកំពង់ត្រាច ស្រុករមាសហែក ខេត្តស្វាយរៀង ។

យោងតាមសមត្ថកិច្ចនគរបាលស្រុកបានអោយដឹងថាបុរសរងគ្រោះមានឈ្មោ មុី ភារុន  អាយុ ២៦ឆ្នាំ មុខរបរ កសិករ រស់នៅភូមិត្រពាំងរុនទី២ ឃុំចន្ត្រី ស្រុករមាសហែក ខេត្តស្វាយរៀង  បើកម៉ូតូម៉ាក HONDA Dream C១២៥ ពណ៌ខ្មៅ ស៊េរី២០១៥ ពាក់ស្លាកលេខ ស្វាយរៀង ១G២១២៣។

ចំណែកសត្វគោមិនត្រូវបានស្គាល់ម្ចាស់នោះទេក្រោយកើតហេតុបានបោលចូលព្រៃបាត់ទៅ។

តាមសាក្សីបានអោយដឹងថាមិនកើតហេតុមានប្រស្នាលក់បានជិះម៉ូតូមួយគ្រឿងម៉ាកHONDA Dream C១២៥ ពណ៌ខ្មៅ ស៊េរី២០១៥ ពាក់ស្លាកលេខ ស្វាយរៀង ១G២១២៣លើផ្លូវជាតិលេខ១៣ ក្រាលកៅស៊ូក្នុងទិសដៅពីជើងទៅត្បូង (ពាក់មួកសុវត្ថិភាព) ខណះជិះសុខៗណាមួយយប់ងងឹតផងក៏មានសត្វគោឆ្លងកាត់ផ្លូវហើយជាន់ហ្វ្រាំងមិនទាន់ក៏បុកយ៉ាងពេញទំហឹងផ្អើលអ្នកភូមិនិងអ្នកធ្វើដំណើរចោមរោមមើលនិងរាយការណ៏មកសមត្ថកិច្ចមូលដ្ឋាននិងត្រូវបានបញ្ជូនទៅមន្ទីរពេទ្យខេត្តស្វាយរៀងភ្លាមៗ ដើម្បីសង្គ្រោះជីវិត៕ ដោយ៖ សុថាន