ក្រុម Everton របស់ក្របខ័ណ្ឌអង់គ្លេស Premier League បានប្រកាសតែងតាំង លោក Ronald Koeman ជាគ្រូបង្វឹកថ្មី ហើយ ។

គ្រូបង្វឹកសញ្ជាតិហុល្លង់វ័យ៥៣ឆ្នាំនេះបានទទួលជោគជ័យក្នុងពេលដឹកនាំក្រុម Southampton រយៈពេល២ឆ្នាំហើយពេលនេះគាត់បាន

សម្រេចចិត្តចុះហត្ថលេខាមកដឹកនាំក្រុម Everton រយៈពេល៣ឆ្នាំវិញ ដោយមានតម្លៃខ្លួន៦លានផោនក្នុងមួយ រដូវកាល ។

គួររំលឹកថា លោក Ronald Koeman មកជំនួសតំណែងរបស់គ្រូបង្វឹកអេស្ប៉ាញRoberto Martinez ដែលក្លិប Everton បានបណ្តេញចេញពីតំណែងកាលពីខែឧសភាដោយគាត់ដឹកនាំក្រុមនេះជាប់ចំណាត់ថ្នាក់លេខ១១នៅក្របខ័ណ្ឌកំពូលរបស់អង់គ្លេសកាលពីរដូវកាលចាស់ ។

អតីតគ្រូបង្វឹកក្លិប Feyenoord និង Valencia លោក Ronald Koeman បាន និយាយថា “ខ្ញុំរំភើបណាស់ ដែលបានក្លាយទៅជាគ្រូបង្វឹករបស់ក្រុម Everton។ ខ្ញុំ ជឿលើក្លិបកីឡាករនិងអ្នកគាំទ្រាយើងនឹងអាចទទួលបានជោគជ័យនៅថ្ងៃអនាគត”៕

ដោយ៖ ដេវិត