ខេត្តកំពង់ចាម៖ នៅថ្ងៃទី២១ ខែកក្កដា ឆ្នាំ២០១៥ ណាហ្គាវើលបេះដូងសប្បុរសបានរៀបចំកម្មវិធីប្រកួតប្រជែងEssay Writinghoolpeusដែលបានធ្វើកម្មវិធីគូរគំនូរជាលើកទី២សម្រាប់កុមារមកពីសាលាបឋមសិក្សាចំនួន ១៣ ក្នុងខេត្តកំពង់ចាម និងខេត្តកណ្តាល។ មានសិស្សានុសិស្សចំនួន ៣៩០នាក់ ដែលបានចុះឈ្មោះចូលរួមក្នុងកម្មវិធីប្រកួតប្រជែងគូរគំនូរនេះ។ ប្រធានបទនៃកម្មវិធីនេះ គឺទាក់ទងទៅនិងបរិស្ថាន “ការកាត់បន្ថយ ការសង្គ្រោះ និងការប្រើប្រាស់ឡើងវិញ”។ គោលបំណងចម្បងនៃកម្មវិធីប្រកួតប្រជែងគូរគំនូរនេះ គឺដើម្បីបង្កើតការយល់ដឹងក្នុងចំណោមកុមារស្តីពីសារសំខាន់នៃការថែទាំបរិស្ថានដែលពួកគេកំពុងរស់ជាមួយ ។
លោកនាយកសាលាបឋមសិក្សាគោហេ៍បានមានប្រសាសន៍ថា កម្មវិធីប្រកួតប្រជែងគូរគំនូរនេះ គឺជាគំនិតដ៏ល្អមួយសម្រាប់សិស្សានុសិស្សគិតអំពីវិធីសាស្ត្រដើម្បីការពាំរបរិស្ថាន។ ការប្រកួតប្រជែងនេះ គឺជាអ្វីដែលសិស្សានុសិស្សចង់ឃើញនូវពិភពលោករបស់ពួកគេ និងធម្មជាតិទាំងតំបន់ជនបទ និងទីក្រុងនាពេលអនាគត។ ខ្ញុំពិតជាចូលចិត្តប្រធានទបនៃកម្មវិធីប្រកួតប្រជែងគូរគំនូរនេះណាស់។ ខ្ញុំសូមអរគុណដល់ក្រុមហ៊ុនណាហ្គាវើលសម្រាប់ការផ្តួចផ្តើមកម្មវិធីប្រកួតប្រជែងនេះ និងការផ្តល់នូវឱកាសសម្រាប់សាលារៀនក៏ដូចជាសិស្សានុសិស្សរបស់យើងដើម្បីចូលរួមក្នុងការប្រកួតប្រជែងនេះ។ ក្រុមហ៊ុនណាហ្គាវើលបានផ្តល់ក្រដាស និងកូល័រទានសម្រាប់គូរគំនូរដល់អ្នកចូលរូមទាំងអស់ ។
លោក James Ma នាយកផ្នែកទំនាក់ទំនងបុគ្គលិក និងការងារសង្គមណាហ្គាវើល បានមានប្រសាសន៍ថា កម្មវិធីប្រកួតប្រជែងគូរគំនូរលើកទីមួយដែលបានធ្វើនៅក្នុងឆ្នាំ២០១៤ គឺជាការជោគជ័យដ៏ល្អឥតខ្ចោះមួយដែលមានសិស្សានុសិស្សចូលរួមចំនូន ៨៤០នាក់។ យើងសប្បាយរីករាយដែលឃើញសិស្សានុសិស្សមួយចំនួនបានសរសេរជាពាក្យស្លោកក្នុងក្រដាសគំនូររបស់ពួកគេថា “មាតាធម្មជាតិរបស់កំពុងតែយំ” “សាលារៀនរបស់យើងត្រូវស្អាតជានិច្ច” “សូមកុំចោលសំរាមទៅក្នុងទន្លេរ” ទាំងនេះបង្ហាញយ៉ាងច្បាស់ថាពួកគេបានយល់អំពីសារសំខាន់នៃការថែទាំបរិស្ថានរបស់យើង។ យើងមានមោទនភាពណាស់ចំពោះលទ្ធផលទាំងនេះ ដូច្នេះហើយយើងមានផែនការដើម្បីរៀបចំកម្មវិធីប្រកួតប្រជែងគូរគំនូរជាលើកទី២នេះឡើង ។
លោកបានបន្ថែមទៀតថា គោលបំណងចម្បងនៃកម្មវិធីប្រកួតប្រជែងគូរគំនូរនេះ គឺដើម្បីបង្កើតការយល់ដឹងក្នុងចំណោមកុមារស្តីពីសារសំខាន់នៃការថែទាំបរិស្ថានដែលពួកគេកំពុងរស់ជាមួយ។ កម្មវិធីប្រកួតប្រជែងគូរគំនូរលើកទី២នេះ យើងបានទទួលឈ្មោះសិស្សានុសិស្សចំនួន ៣៩០នាក់ មានអាយុពី៧ឆ្នាំ ដល់១២ឆ្នាំ ពីថ្នាក់ទី៤ ដល់ថ្នាក់ទី៦ មកពីសាលាបឋមសិក្សាចំនួន ១៣ ដែលបានចុះឈ្មោះចូលរួមក្នុងកម្មវិធីប្រកួតប្រជែងគូរគំនូរនៃការបង្កើតការយល់ដឹងស្តីអំពីបរិស្ថានលើកទី២របស់យើង។ ដូចក្នុងកម្មវិធីប្រកួតប្រជែងគូរគំនូរលើកទីមួយដែរ អ្នកឈ្នះនឹងទទួលបានរង្វាន់ជាសាច់ប្រាក់សុទ្ធ និងថែមទាំងទទួលបានប័ណ្ណសរសើរដែលទទួលស្គាល់នូវកិច្ចខិតខំប្រឹងប្រែង និងគំនូររបស់ពួកគេ ។
គាត់បានលើកឡើងទៀតថា ជាទូទៅគំនូរ គឺជាវិធីសាស្ត្រនៃការបញ្ចេញមតិមួយប្រកបដោយលក្ខណៈច្នៃប្រឌិត។ យើងសង្ឃឹមថាកម្មវិធីប្រកួតប្រជែងគូរគំនូរនេះនឹងពង្រឹងនូវការច្នៃប្រឌិតក្នុងចំណោមសិស្សានុសិស្ស ដូច្នេះគំនិតច្នៃប្រឌិតដែលបានបង្កប់រយៈពេលយូរអង្វែង ហើយមានសក្តានុពលទៅលើកុមារកម្ពុជាទាំងអស់ ហើយវានឹងធ្វើឲ្យមានគំនិតសុទិដ្ឋិនិយមសម្រាប់ខ្លួនពួកគេផ្ទាល់ និងប្រទេសកម្ពុជានាពេលអនាគតផងដែរ” ៕ ស ដារ៉ា
