ខេត្តស្វាយរៀង:អគ្គិភ័យឆេះក្លឹបកំសាន្តយីហោ ហ្វាញក្លឹប នៅផ្សារាត្រីក្រុងបាវិតបង្កការភ្ញាក់ផ្អើលដល់ភ្ញៀវនិងរាយការណ៏មកសមត្ថកិច្ចមូលដ្ឋានមកអន្តរាគមន៏យករថយន្តបាញ់ពន្លត់ប៉ុន្តែមិនអាចគ្រប់គ្រងស្ដានការណ៏បានឆេះទាំងស្រុងដោយមិនទាន់ដឹងមូលហេតុ។
ហេតុការណ៏នេះបានកើតឡើងកាលពីវេលាម៉ោង៤រសៀលថ្ងៃទី១៩ ខែមីនា ឆ្នាំ២០២៣ហើយរលត់ទាំងស្រុងនៅវេលាម៉ោង៦ល្ងាចនៅចំណុចក្លឹបកំសាន្តយីហោ ហ្វាញក្លឹប ទីតាំងនៅផ្សារាត្រីក្រុងបាវិត ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
សមត្ថកិច្ចនគរបាលក្រុងបាវិតបានអោយដឹងថាបន្ទាប់ពីទទួលបានព័ត៏មានភ្លាម
កម្លាំងមូលដ្ឋាន កងរាជអាវុធហត្ថ ក្រុងបាវិត ចំនួន ១៥ នាក់ រថយន្តពន្លត់អគ្គីភ័យ ០១ គ្រឿង សហការជាមួយកម្លាំងនគរបាលក្រុងបាវិត រថយន្តពន្លត់អគ្គីភ័យចំនួន ០២ គ្រឿង រថយន្តពន្លត់អគ្គីភ័យស្រុកស្វាយទាប ០១ គ្រឿង និងក្រុមហ៊ុនកាស៊ីណូម៉ុកបាយ រថយន្តពន្លត់អគ្គីភ័យ ០១ គ្រឿង ចុះអន្តរាគមន៍បាញ់ពន្លត់ករណីអគ្គីភ័យ នៅចំណុចក្លឹបកំសាន្តយីហោ ហ្វាញក្លឹប ទីតាំងនៅផ្សារាត្រី ក្រុងបាវិត ។
ប្រភពបន្តថាដោយសមត្ថកិច្ចអាចគ្រប់គ្រងនិងពន្លត់អគ្គីភ័យបាន១០០ភាគរយនៅវេលាម៉ោង៦ល្ងាចដោយប្រើប្រាស់ រថយន្តពន្លត់អគ្គីភ័យចំនួន ០៥ គ្រឿង ប្រើប្រាស់ទឹកអស់ចំនួន ០៧ រថយន្ត (រថយន្ត អ.ហ ក្រុងបាវិតចំនួន ០២ រថយន្ត, រថយន្តនគរបាល ក្រុងចំនួន ០៤ រថយន្ត និងរថយន្តក្រុមហ៊ុនកាស៊ីណូម៉ុកបាយចំនួន ០១ រថយន្ត។
សមត្ថកិច្ចបានបញ្ជាក់ទៀតថាក្នុងករណីមិនបណ្តាលអោយមានមនុស្សរងរបួសទេនោះទេដោយខូចខាតសម្ភារអស់មួយចំនួនធំខណះចំពោះមូលហេតុការឆេះនេះសមត្ថកិច្ចកំពុងធ្វើការស្រាវជ្រាវរកតើមកពីអ្វីពិតប្រាកដ។
