ភ្នំពេញ : នៅក្នុងជំនួប សម្តែង ការគួរសម និងពិភាក្សាការងារ  រវាងលោក កិត្តិសេដ្ឋាបណ្ឌិត  ចម  ប្រសិទ្ធ  ទេសរដ្ឋមន្រ្តី  រដ្ឋមន្រ្តី ក្រសួង ឧស្សាហកម្ម  វិទ្យាសាស្ត្រ  បច្ចេកវិទ្យា  និងនវានុវត្តន៍  ជាមួយ លោក  Will Parks តំណាងប្រចាំកម្ពុជានៃអង្គការមូលនិធិ កុមារ អន្តរជាតិ របស់អង្គការ សហប្រជាជាតិ ហៅកាត់ថា  UNICEF បានផ្តោតការយកចិត្តទុកដាក់ជាសំខាន់ទៅលេីការអភិវឌ្ឍន៍វិស័យទឹកស្អាតនៅតំបន់ទីប្រជុំជន  ជាពិសេស គឺការពិនិត្យវាយតម្លៃពីវឌ្ឍនភាពការអនុវត្តកម្មវិធី ទឹកស្អាត  និងអនាម័យ ហៅកាត់ថា   WASH(Water ,Sanitation,and Hygiene  Program)នៃមូលអង្គការ  UNICEF ពីឆ្នាំ ២០១៩ ដល់ឆ្នាំ២០២៣  ។ នេះជាការបញ្ជាក់ពី ក្រសួង ឧស្សាហកម្ម  វិទ្យាសាស្ត្រ  បច្ចេកវិទ្យា  និងនវានុវត្តន៍ នៅថ្ងៃទី២៦ ខែមេសា ឆ្នាំ២០២៣។

លោកកិត្តិសេដ្ឋាបណ្ឌិត ទេសរដ្ឋមន្រ្តី  ចម  ប្រសិទ្ធ  បានសម្តែងការស្វាគមន៍  វាយតម្លៃ ខ្ពស់  និងថ្លែងអំណរគុណដល់ មូលនិធិអង្គការ  UNICEF នៃអង្គការ សហប្រជាជាតិ  ដែលបានដេីរតួយ៉ាងសំខាន់ក្នុងសកម្មភាពសុខមាលភាពសង្គមទាក់ទងនិងអាហារូបត្ថម្ភកុមារ  ការងារការបញ្ចូលជាតិអុីយ៉ូតក្នុងផលិតផលអំបិល  រួមនិងវិស័យទឹកស្អាត  ដែលភាគីទាំងពីរបានអនុវត្តរួមគ្នា តាមកម្មវិធីឆ្នាំរំកិល ទទួល បានលទ្ធផលគួរជាទីមោទន:  ។ 

ឆ្លៀតឱកាស នោះ  លោក កិត្តិសេដ្ឋាបណ្ឌិត  ទេសរដ្ឋមន្រ្តី  ចម  ប្រសិទ្ធ  បានលេីកឡេីងពីគោលនយោបាយអភិវឌ្ឍវិស័យទឹកស្អាតរបស់រាជរដ្ឋាភិបាល  និងគោលដៅអភិវឌ្ឍប្រកបដោយចិរភាពនៃអង្គការសហប្រជាជាតិ ដេីម្បីសម្រេចបានការទទួលបានទឹកស្អាត១០០%  សម្រាប់ ប្រជាពលរដ្ឋ នៅតំបន់ប្រជុំជន  និងនៅឆ្នាំ ២០៣០  ទទួល បានទឹកស្អាតសម្រាប់ទាំងអស់គ្នា  ។ ដេីម្បី សម្រេចបាននូវគោលដៅនេះ  លោក កិត្តិសេដ្ឋាបណ្ឌិត ទេសរដ្ឋមន្រ្តី  ចម  ប្រសិទ្ធ  បានរំលេចឡេីងនូវទស្សន:វិស័យមួយចំនួន ដេីម្បី ឲ្យតំណាងអង្គការUNICEF ពិនិត្យ ពិចារណា  ដូចជាការផលិតទឹក សម្រាប់ធ្វេីការលក់ដុំ-ការយកប្រភពទឹក ពីអាង ទន្លេមេគង្គ   សម្រាប់ផលិតទឹកស្អាតផ្គត់ផ្គង់នៅតំបន់ងាយរងគ្រោះ  ដូចជាប្រជាពលរដ្ឋរស់នៅបណ្តោយផ្លូវជាតិ លេខ៧   រួមមាននៅតំបន់ខេត្តកំពង់ចាម  ត្បូងឃ្មុំ  និងក្រចេះជាដេីម  ដែលជាតំបន់ទទួលរងគ្រោះការទម្លាក់គ្រប់បែក  និងរោយម្សៅព័ណ៍ទឹកក្រូចជម្រុះស្លឹកឈេី  ពីសហរដ្ឋអាមេរិក ក្នុងសង្រ្គាមចុងទស្សវត្ស ទី៦០  ដែលធ្វេីប៉ះពាល់យូរអង្វែងដល់សុខភាព  មាតា  និងទារក ក្នុងតំបន់រងគ្រោះទាំងនោះ  ដោយសារពួកគាត់ ប្រេី ប្រាស់ទឹកដែលទទួលរងជាតិគីមីពុលទាំងលេីដី  និងក្រោមដី  -និងការប្រេីបច្ចេកវិទ្យាទំនេីប ការតម្លេីងអាងប្រព្រឹត្តិកម្មទឹកស្អាតខ្នាតតូច  នៅតាមតំបន់ភូមិប្រជាពលរដ្ឋនីមួយៗជាដេីម។ 

លោក  Will Parks តំណាងប្រចាំកម្ពុជានៃអង្គការ UNICEF បានវាយតម្លៃខ្ពស់ ចំពោះកិច្ចសហការល្អ  និងសមិទ្ធផល ការងាររួម  ព្រមទាំងបានបង្ហាញពីការប្តេជ្ញាចិត្តបន្តធ្វេីជាដៃគូអភិវឌ្ឍដ៏សកម្មជាមួយកម្ពុជា  ក្នុងការ ប្តេជ្ញា ចិត្ត គាំទ្រ ឲ្យកម្ពុជា ឈាន ទៅសម្រេចបាននូវគោលដៅអភិវឌ្ឍប្រកបដោយចិរភាព  ជាពិសេស ផលប្រយោជន៍ សម្រាប់ ប្រជាពលរដ្ឋក្រីក្រ  សហគមន៍ ងាយរងគ្រោះ  និង កុមារ កម្ពុជា   ។ ទន្ទឹមគ្នានេះ  ដៃគូ សន្ទនា ក៏បាន ពិភាក្សាទាក់ទង  និងយន្តការការប្រេី ប្រាស់មូលនិធិអភិវឌ្ឍវិស័យទឹកស្អាត  និងគម្រោង ហិរញ្ញប្បទាន សហប្រតិបត្តិការ ពិសេសមេគង្គ-ឡានឆាង  ដេីម្បីអភិវឌ្ឍ វិស័យ ទឹកស្អាត  និងជួយឧបត្ថម្ភធនសម្រាប់តបណ្តាញទឹកស្អាតដល់ប្រជាពលរដ្ឋក្រីក្រផងដែរ ៕

ដោយ : សហការី