ខេត្ដព្រះសីហនុ ៖ នគរបាលបាន ឃាត់ខ្លួនបុរស៥នាក់បញ្ជូនទៅតុលាការពាក់ព័ន្ធទទួលផលចោរកម្មដែលការ ឃាត់ខ្លួនបានធ្វើឡើងកាលពីថ្ងៃទី២៨ ខែ កក្កដា ឆ្នាំ២០១៥ នៅក្រុងខេត្ដព្រះ សីហនុ។
តាមនគរបាលឱ្យដឹងថា កាលពីថ្ងៃទី ២៧ ខែកក្កដា ឆ្នាំ២០១៥ ម៉ោង៥និង ៣០នាទី នៅចំណុចមុខតូបលេខ៩៩ ឆ្នេរអូឈើទាល ឋិតក្នុងក្រុមទី១៧ ភូមិ៤ សង្កាត់លេខ៤ ក្រុង-ខេត្ដព្រះសីហនុ មានករណីចោរលួចកាបូបរបស់ភ្ញៀវ ទេសចរណ៍ជនជាតិចិនតៃវ៉ាន់ ។ ក្រោយ មកជនរងគ្រោះបានទៅដាក់ពាក្យបណ្ដឹងនៅកន្លែងសមត្ថកិច្ចទើបសមត្ថកិច្ច ឈានទៅឃាត់ខ្លួនកុមារ២នាក់ក្នុង ចំណោម៣នាក់ដែលសង្ស័យលួចកាបូបជនរងគ្រោះ ។
ក្មេងប្រុស២នាក់ដែលសមត្ថកិច្ច ឃាត់ខ្លួនទី១-ឈ្មោះ ត.ត អាយុ១០ឆ្នាំនិង ម្នាក់ទៀតឈ្មោះ ព.ស អាយុ១១ឆ្នាំ ជា សិស្សរៀននៅអង្គការមួយក្នុងខេត្ដព្រះ សីហនុ ។
នគរបាលបានឱ្យដឹងទៀតថា ក្រោយ ពីឃាត់ខ្លួនកុមារទាំង២នាក់ខាងលើពួក គេបានសារភាពថា ពេលដែលលួច បានកាបូបជនរងគ្រោះហើយនោះគេ បានយកសម្ភារមួយចំនួនដែលលួចបានទៅលក់ឱ្យជនសង្ស័យទាំង៥នាក់ទើប សមត្ថកិច្ចឈានទៅឃាត់ខ្លួនអ្នកទទួល ទិញបញ្ជូនមកសាកសួរនិងកសាងសំណុំរឿងបញ្ជូនទៅតុលាការក្នុងបទទទួលផលចោរកម្ម ។ នគរបាលបានឱ្យដឹងទៀតថា ជនសង្ស័យដែលត្រូវបានឃាត់ខ្លួនក្នុង បទទទូលផលចោរកម្ម ទី១-ឈ្មោះ ម៉ី ហេង ហៅនំប៉័ង ភេទប្រុស អាយុ១៧ឆ្នាំ មុខរបរកម្មករសំណង់ ទី២-ឈ្មោះ ខន ចឹប ហៅ ជេបី ភេទប្រុស អាយុ១៧ឆ្នាំ មុខរបរកម្មករសំណង់ ទី៣-ឈ្មោះ ឈិន វិច្ឆ័យ ភេទប្រុស អាយុ២៩ឆ្នាំ មុខរបរ កម្មករសំណង់ ទី៤-ឈ្មោះ ឈុន វន្នី ភេទ ស្រី អាយុ៥៨ឆ្នាំ មុខរបរលក់ដូរ អ្នក ទាំង៤ មានទីលំនៅ ក្រុមទី៣៥ ភូមិ៣ (ទំនប់រលក) សង្កាត់លេខ១ ក្រុង-ខេត្ដ ព្រះសីហនុ និងទី៥-ឈ្មោះ ផាត សារុំ ហៅ វាសនា ភេទប្រុស អាយុ៣៥ឆ្នាំ មុខរបរ លក់ទូរស័ព្ទ មានទីលំនៅក្រុមទី១៧ ភូមិ ៣ សង្កាត់លេខ១ ក្រុង-ខេត្ដព្រះសីហនុ។
នគរបាលបានឱ្យដឹងទៀតថា ម្ចាស់ កាបូបមានឈ្មោះ HSU YAM YEN ភេទស្រី អាយុ៤០ឆ្នាំ មុខរបរបុគ្គលិក ក្រុមហ៊ុនបាលី(អ្នកទេសចរណ៍) ជនជាតិ ចិនតៃវ៉ាន់ កាន់លិខិតឆ្លងដែនលេខ ៣០៥១៩៦៨១០ ស្នាក់នៅផ្ទះសំណាក់ គ្រីនសីហនុវីល ឋិតក្នុងភូមិ៤ សង្កាត់ លេខ៤ ក្រុង-ខេត្ដព្រះសីហនុ ។
បើតាមបណ្ដឹងស្ដ្រីរងគ្រោះរៀបរាប់ថា នៅក្នុងកាបូបដែលបាត់មានលុយ ៧៣០ដុល្លារ ទូរស័ព្ទដៃមួយគ្រឿងម៉ាក អាយហ្វូនស៊ិចផ្លាស ពណ៌ស នាឡិកាដៃ មួយគ្រឿង ។
នគរបាលបានឱ្យដឹងទៀតថា ជាមួយ ការឃាត់ខ្លួនជនសង្ស័យសមត្ថកិច្ចបានដកហូតលុយចំនួន៣២០.០០០រៀល លុយដុល្លារចំនួន២០០ដុល្លារនិងកាបូបស្ពាយមួយជាវត្ថុតាងបញ្ជូនទៅតុលា ការ ។
នគរបាលបានបញ្ជាក់ថា កុមារ២ នាក់ដែលបានឃាត់ខ្លួនត្រូវបានដោះ លែងដោយសារពួកគេមានអាយុក្រោម១៣ឆ្នាំទៅឱ្យអាណាព្យាបាលយកទៅអប់រំនិងមានការធានាពីមន្ដ្រីអង្គការម្លប់ តាប៉ាងយកវិលត្រឡប់ទៅវិញ ៕ ឆ្លាមសមុទ្រ
