ភ្នំពេញៈ ជនសង្ស័យ២នាក់រួម និងថ្នាំញៀនចំនួន១៨កញ្ចប់តូច ត្រូវបានកម្លាំងនគរបាល ប៉ុស្តិ៍បឹងកក់ទី២ ខណ្ឌទួលគោកកំពុងល្បាតប្រទះឃើញក៏ចាប់ ឃាត់ខ្លួននិងឆែកឆេររកឃើញមានគ្រឿងញៀន នៅជាប់ខ្លួន ។
ករណីនេះកើតឡើងនៅវេលាម៉ោង១និង១០នាទីរំលងអធ្រាត្រ ឈានចូលថ្ងៃទី២៩ ខែកក្ដដា ឆ្នាំ២០១៥ នៅចំណុច ស្ថានីយប្រេងសូគីម៉ិច ផ្លូវលេខ ៦០៨ កែងផ្លូវលេខ២៨៩ ក្រុមទី៥៥ ភូមិ១២ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
ជនសង្ស័យ ១-ហឿង សុម៉ូលី ហៅ លី ភេទប្រុស អាយុ ១៨ឆ្នាំ ជន ជាតិខ្មែរ មុខរបរ សន្តិសុខ ស្នាក់នៅផ្ទះជួលមុខផ្សារទួលគោក សង្កាត់បឹងកក់ទី២ ខណ្ឌទួលគោក (ម្ចាស់គ្រឿង ញៀន)។ ២-ប៉ែន សុផានីន ហៅ នីន ភេទប្រុស អាយុ ១៨ឆ្នាំ មុខរបរជាងជួសជុលរថយន្ត ស្នាក់នៅផ្ទះពុំចាំលេខ ផ្លូវលំ ភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំ ពេញ ។
ជាមួយគ្នានេះសមត្ថកិច្ចរិបអូសវត្ថុតាងម្សៅក្រាមពណ៌ស១៨កញ្ចប់តូច ម៉ូតូមួយគ្រឿង លុយ 316.700រៀល និង35$ ទូរស័ព្ទ៣គ្រឿង ៕ ស ដារ៉ា
