ក្រុមមេឃខៀវ Manchester City បានផ្តួលក្រុម Fulham ដើម្បីត្រលប់ទៅកំពូលតារាង Premier League ឡើងវិញ ខណៈដែលខ្សែប្រយុទ្ធ Erling Haaland ស៊ុតបញ្ចូលទីគ្រាប់ទី៥០របស់គាត់ក្នុងរដូវកាលនេះក្នុងការប្រកួតទាំងអស់។
Haaland បានស៊ុតបាល់ប៉េណាល់ទីនៅនាទីទី៣បន្ទាប់ពី Julian Alvarez ត្រូវបាន Tim Ream បង្កកំហុស ធ្វើឲ្យ Haaland ដើម្បីក្លាយជាកីឡាករកំពូលដំបូងគេដែលអាចរកគ្រាប់បាល់បានច្រើនជាងគេ ក្នុងយុទ្ធនាការមួយចាប់តាំងពីអតីតកីឡាករ Tom ‘Pongo’ Waring បានធ្វើដូច្នេះសម្រាប់ Aston Villa ក្នុងឆ្នាំ១៩៣១។
ខ្សែប្រយុទ្ធន័រវេសរូបនេះក៏បានផ្លាស់ប្តូរកម្រិតសម្រាប់ការរកគ្រាប់បាល់បានច្រើនបំផុតក្នុងរដូវកាល Premier League ដែលត្រូវនឹងគ្រាប់បាល់ចំនួន៣៤គ្រាប់ដែល Andy Cole រកបានឱ្យ Newcastle ក្នុងឆ្នាំ១៩៩៣–១៩៩៤ និងចំនួនដូចគ្នាដែល Alan Shearer ធ្លាប់រកបានសម្រាប់ Blackburn មួយឆ្នាំក្រោយមក។
ទោះបីជាយ៉ាងណាក៏ដោយ ក្រុម Fulham បានរកបានគ្រាប់បាល់តាមស្មើនៅនាទីទី១៥ ដោយកីឡាករ Alves Morais ពីការបញ្ជូនបាល់របស់កីឡាករ Harry Wilson។ ជាមួយគ្នានោះខ្សែបម្រើ Jack Grealish ក៏មាន ឱកាសរកគ្រាប់បាល់ផងដែរ បន្ទាប់ពីកីឡាកររូបនេះស៊ុតបាល់ពីចម្ងាយចំគោលដៅយ៉ាងល្អ ប៉ុន្តែនៅតែមិនអាចចូលទី ហើយនៅនាទី ទី៣៦ ក្រុម Man City ក៏បានរកគ្រាប់បាល់១គ្រាប់ពីការស៊ុតបាល់របស់កីឡាករ Alvarez ពី ចម្ងាយឲ្យក្រុមនាំមុខសាជាថ្មីនៅតង់ទី១។
ការឈ្នះរបស់ Man City ធ្វើឱ្យពួកគេឈរកំពូលតារាងឡើងវិញ ហើយមាន១ពិន្ទុដាច់ពីក្រុមលេខ២ Arsenal ដោយក្រុមរបស់លោក Pep Guardiola នៅមានការប្រកួតនៅក្នុងដៃ។ នេះជាលើកទីមួយហើយដែល Man City ឈរពីលើក្រុម Arsenal ចាប់តាំងពីពាក់កណ្តាលខែកុម្ភៈមក ខណៈដែលពួកគេមានគោលបំណងឈ្នះពាន Premier League, Champions League និង FA Cup នៅរដូវកាលនេះ។
នេះជាការប្រកួតលើកដំបូងរបស់ Man City ចាប់តាំងពីការឈ្នះ ៤–១ លើក្រុម Arsenal កាលពីថ្ងៃពុធ ដែលបានធ្វើឱ្យពួកគេស្ថិតក្នុងការគ្រប់គ្រងការប្រណាំងប្រជែងដណ្តើមពាន ខណៈដែលពួកគេមានបំណងក្លាយជាជើងឯកអង់គ្លេសជាលើកទី៥ក្នុងរយៈពេល៦រដូវកាល។
ក្រុមរបស់លោក Guardiola ដែលមិនស្គាល់ចាញ់សោះក្នុង១៨ប្រកួតក្នុងការប្រកួតទាំងអស់ និងមិនស្គាល់ចាញ់ចាប់តាំងពីថ្ងៃទី៥ខែកុម្ភៈ នៅសល់ការប្រកួត Premier League ចំនួន៦ ហើយត្រូវការឈ្នះ ៥ក្នុងចំណោមពួកគេដើម្បីរក្សាជើងឯករបស់ពួកគេ។ការប្រកួតបន្ទាប់របស់ Man City គឺជួបក្រុមភ្ញៀវ West Ham និង Leeds នៅថ្ងៃទី៣ និងថ្ងៃ៥ ឧសភា មុនពេលប្រកួតជើងទី១នៃវគ្គពាក់កណ្តាលផ្តាច់ព្រ័ត្រ Champions League ជាមួយក្រុម Real Madrid ក្នុងប្រទេសអេស្ប៉ាញនៅថ្ងៃទី៩ ឧសភា។
ចំណែកក្រុម Fulham ជាក្រុមដែលឡើងមកពី Championship កាលពីរដូវកាលមុន និងធ្លាប់ឈរនៅលេខរៀងទី៦ កាលពាក់កណ្តាលខែកុម្ភៈ ដោយសុបិនចង់ជម្រុះសម្រាប់ទ្វីបអឺរ៉ុប មុនពេលការចាញ់៥ដងក្នុងចំណោម៧ប្រកួត។ បន្ទាប់ពីការបរាជ័យជាបន្តបន្ទាប់ក្រុមនេះបានធ្លាក់មកឈរលេខ១០ដោយមាន៤៥ពិន្ទុ ក្នុង៣៣ប្រកួត និងត្រូវប៉ះក្រុមម្ចាស់ផ្ទះ Liverpool នៅថ្ងៃទី៤ខែឧសភាខាងមុខនេះ ៕ (រូបភាព ៖ BBC Sport)
