ក្រុមជម្រើសជាតិនារីអង់គ្លេស និង ស្កុតឡេន នឹងត្រូវ ផ្គូរផ្គង ចូល រួម ក្នុង ការ ប្រកួតពានរង្វាន់ Women’s Nations League។ពួកគេក៏នឹងត្រូវជួបជាមួយហូឡង់ និងបែលហ្ស៊ិកក្នុងលីក A នៃពូល A1 នៃការប្រកួតដែលនឹងចាប់ផ្តើមនៅខែកញ្ញា។

 ចំណែកវែល នឹង ត្រូវ ប្រកួត ជាមួយ ក្រុម ចុង ក្រោយ នៃ Euro 2022 អាល្លឺម៉ង់ ដាណឺម៉ាក និង អ៊ីស្លង់ ក្នុង ពូល A នៃ League A។ អៀរឡង់ខាងជើងត្រូវបានចាប់គូជាមួយ សាធារណរដ្ឋអៀរឡង់ ហុងគ្រី និងអាល់បានី ក្នុងលីកពូល B1។

ការប្រកួតជម្រុះតាមក្រុមនឹងធ្វើឡើងនៅចន្លោះខែកញ្ញា និងខែធ្នូ ជាមួយនឹងការប្រកួតវគ្គផ្តាច់ព្រ័ត្រ និងការប្រកួតវគ្គ Play-off ដែលបានគ្រោងទុកសម្រាប់ខែកុម្ភៈ ឆ្នាំ២០២៤។ កន្លែងដែលក្រុមបញ្ចប់ក្នុង Nations League នឹងជួយសម្រេចថា តើលីកមួយណាដែលពួកគេនឹងស្ថិតនៅសម្រាប់ជើងឯកអឺរ៉ុបឆ្នាំ២០២៥ និងវគ្គជម្រុះ World Cup ឆ្នាំ២០២៧។

 ការប្រកួតជម្រុះ Euro 2025 ដែលចាប់ផ្តើមនៅនិទាឃរដូវឆ្នាំ២០២៤ ក៏នឹងកំណត់ក្រុមសម្រាប់យុទ្ធនាការ Nations League ខាងក្រោមផងដែរ។

 រៀងរាល់៤ឆ្នាំម្តង ការប្រកួតវគ្គផ្តាច់ព្រ័ត្រ Nations League ផ្នែកនារីក៏នឹងកំណត់ផងដែរថា តើភាគីអឺរ៉ុបចំនួន៣មានលក្ខណៈសម្បត្តិគ្រប់គ្រាន់សម្រាប់ការប្រកួតកីឡាអូឡាំពិកដែរឬទេ?

 សម្រាប់ឆ្នាំ២០២៤ ម្ចាស់ផ្ទះអូឡាំពិកបារាំងនឹងត្រូវចូលរួមដោយក្រុមចុងក្រោយនៃ Nations League ២ក្រុម ឬក្រុមចំណាត់ថ្នាក់លេខ៣ប្រសិនបើបារាំងឈានដល់វគ្គផ្តាច់ព្រ័ត្រ។ អង់គ្លេសធ្លាប់ បាន យក ឈ្នះ ស្កុតឡេន ២–១ ក្នុង ការ ជួប គ្នា ចុង ក្រោយ បំផុតរបស់ ពួក គេ ក្នុង ការ ប្រកួត World Cup ឆ្នាំ២០១៩នៅ ប្រទេស បារាំង។

 ការចាប់ឆ្នោត Nations League មានន័យថា អ្នកចាត់ការសញ្ជាតិហូឡង់ Sarina Wiegman របស់អង់គ្លេស នឹងជួបជាមួយប្រទេសកំណើតរបស់នាងជាលើកទី២ ដោយបានដឹកនាំក្រុមតោកំណាចនារី ឱ្យឈ្នះការប្រកួតមិត្តភាព ៥–១ កាលពីខែមិថុនាឆ្នាំមុន៕ (រូបភាព ៖ BBC Sport)