ភ្នំពេញៈ បុរសម្នាក់បានស្លាប់ខណៈបើកម៉ូតូក្នុងល្បឿនលឿនបានជ្រុលទៅបុកគម្របលូនៅវេលាម៉ោង 7និង30 នាទីព្រឹកថ្ងៃទី 7 ខែឧសភា ឆ្នាំ2023 ត្រង់ចំណុចមុខហាងពេញចិត្តលើផ្លូវលេខ 163 កែងនឹងផ្លូវលេខ242 ស្ថិតក្នុងភូមិទី 11 សង្កាត់វាលវង់ ខណ្ឌ 7 មករា រាជធានីភ្នំពេញ។

បើតាមប្រភពព័ត៌មានពីលោក ង៉ែត សារុន អធិការរងខណ្ឌ៧មករាបានប្រាប់អោយដឹងថា  ករណីគ្រោះថ្នាក់ចរាចរណ៍នេះបានកើតឡើងដោយសារបុរសម្នាក់អាយុប្រហែល២៥ឆ្នាំជិះម៉ូតូម៉ាកស៊ុយហ្ស៊ុយគីនិច ពណ៌សលាយខ្មៅ ពាក់ផ្លាកលេខកណ្ដាល1AF-7763 បានបើកបរម៉ូតូលើបណ្ដោយផ្លូវលេខ 163 ពីទិសខាងត្បូងទៅជើងក្នុងល្បឿនលឿនបានជ្រុលទៅបុកគម្របលូបណ្ដាលឱ្យស្លាប់ក្រោយពេលបញ្ជូនដល់មន្ទីរពេទ្យ។

បច្ចុប្បន្នសមត្ថកិច្ចបានយកសពទៅតម្កល់ទុកនៅវត្តទឹកថ្លាដើម្បីរកសាច់ញាតិ៕ ដោយជីណា