ភ្នំពេញ ៖ មានគ្រោះអគ្គិភ័យមួយបានឆាបឆេះ និងរាលដាលផ្ទះស្តុកឥវ៉ាន់ (កំរាលពូកខ្នេីយ) ចំនួន ២ខ្នង យ៉ាងសន្ធោសន្ធៅ ព្រមទាំងខូចខាតសម្ភារៈមួយចំនួនធំ ត្រូវបានរងការខូចខាតនាវេលាម៉ោង ២០នឹង៣០នាទី ថ្ងៃទី០៧ ខែឧសភា ឆ្នាំ២០២៣ នៅចំណុចផ្ទះលេខ៤៨ នឹង ផ្ទះលេខ៥០ តាមបណ្តោយផ្លូវលេខ២០២ ភូមិ៦ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
បេីតាមប្រភពព័ត៌មានបានប្រាប់ឲ្យដឹងថានៅមុនពេលកើតហេតុគឺផ្ទះខាងលើ មានផ្សែង លាយឡំជាមួយ អណ្តាតភ្លើងឆាបឆេះយ៉ាងសន្ធោសន្ធៅ ហើយពេលនោះ អំណាចភ្លើងឆេះលឿនបានរាលដាល ឆេះផ្ទះមួយខ្នងទៀត ភ្លាមនោះក៏មានរថយន្តពន្លត់អគ្គីភ័យជាច្រើនគ្រឿង បានមកដល់កន្លែងកើតហេតុ ដើម្បីជួយអន្តរាគមន៍បាញ់ទឹកពន្លត់។ តែដោយស្ថានភាពភ្លើងឆេះលឿន ថែមទាំងមានខ្យល់បោកបក ដែលជាហេតុធ្វើឲ្យភ្លើងឆាបឆេះផ្ទះចំនួន ០២ខ្នង រងការខូចខាតស្ទើរតែទរួមទាំងខូចខាតសម្ភារៈ (កំរាលពូកខ្នេីយ) ខូចខាតមួយចំនួនធំ។
នៅក្នុងហេតុការណ៍អគ្គិភ័យនេះ គឺមានរថយន្តពន្លត់អគ្គីភ័យភ័យចំនួន ៣២គ្រឿង បានចុះមកជួយអន្តរាគមន៍បាញ់ទឹកពន្លត់ ដោយក្នុងនោះមានរថយន្ត អគ្គីភ័យ របស់ការិយាល័យ បង្កាពន្លត់អគ្គីភ័យ និង សង្គ្រោះ ចំនួន ២២គ្រឿង ,រថយន្តកងរាជអាវុធហត្ថចំនួន ០២គ្រឿង, រថយន្តក្រុមហ៊ុនស្រាបៀរកម្ពុជាចំនួន ០១គ្រឿង ,រថយន្តទីក្រុងជ្រោយចង្វារចំនួន ០៥គ្រឿង, រថយន្តទីក្រុងអូឡាំងព្យាចំនួន ០២គ្រឿង ទើបអាចគ្រប់គ្រងស្ថានការ និង បាញ់ទឹករលត់ជាស្ថាពរ និង មិនឲ្យរាលដាល ដល់ផ្ទះប្រជាពលរដ្ឋផ្សេងទៀត៕
ដោយ ៖ ភារ៉ា ដង្កោ
