ក្រុមអ្នកមានបុណ្យ Barcelona ក្លាយទៅជាម្ចាស់ជើងឯកអេស្ប៉ាញ Primera Liga រដូវកាលនេះហើយក្រោយពួកគេបានយកឈ្នះលើក្រុមEspanyol4-2ខណៈដែលការប្រកួតនៅសល់៤ប្រកួតទៀតទើបចប់។

ក្នុងការប្រកួតដែលក្រុមEspanyolធ្វើជាម្ចាស់ផ្ទះនេះ ក្រុមភ្ញៀវ Barcelona បាននាំមុខមុនរហូតដល់ទៅ៤គ្រាប់មុនគិតត្រឹមនាទី៥៣ ដែលស៊ុតបាល់បញ្ចូលទីដោយកីឡាករ Lewandowski,  Alejandro Balde និង Jules Kounde។ ម្ចាស់ផ្ទះក៏បានប្រឹងប្រែងវាយបកបាន២គ្រាប់មកវិញដោយកីឡាករJavier PuadoនិងJoselu ។

ក្រោយទទួលបាន៣ពិន្ទុបន្ថែមនៅក្រៅទឹកដីរបស់ខ្លួនកាលពីយប់មិញ បន្ទុសរុបរបស់ក្រុម Barcelona  មាន៨៥ពិន្ទុចំណែកក្រុមលេខ២ Real Madrid មាន៧១ពិន្ទុះ តិចជាងក្រុមលេខ១រហូតដល់ទៅ១៤ពិន្ទុខណៈដែលចំនួនពិន្ទុដែលនៅសល់ត្រឹម១២ពិន្ទុប៉ុណ្ណោះ។

នេះគឺជាជើងឯកលើកដំបូងបើគិតចាប់តាំងពីឆ្នាំ ២០១៩មក ហើយក៏ជាលើកដំបូងបើគិតចាប់តាំងពីការចាកចេញរបស់កីឡាករ Lionel Messi និងការមកដល់របស់អ្នកដឹកនាំក្រុម Xavi។