ភ្នំពេញ៖ កម្លាំងអធិការដ្ឋាននគរបាលខណ្ឌពោធិ៍សែនជ័យសហការជាមួយកម្លាំងប៉ុស្តិ៍រដ្ឋបាលសង្កាត់ចោមចៅទី៣ ចុះធ្វើរដ្ឋបាលតំបន់ដែលស្មុគស្មាញបានឃាត់ខ្លួនជនសង្ស័យ១០នាក់និងដកហូតសម្ភារសម្រាប់កាច់សោ.កម៉ូតូមួយឈុតដាវសាមូរ៉ៃមួយដេីម កាលពីវេលាម៉ោង៨និង៣០នាទីព្រឹក ថ្ងៃទី២៤ ខែឧសភាឆ្នាំ២០២៣ នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
តាមសមត្ថកិច្ចបានឱ្យដឹងថា ដោយសារតែប្រជាពលរដ្ឋរាយការណ៍សម្ងាត់ថា តំបន់ខាងលេីតែងតែមានក្រុមក្មេងទំនេីងដេីរចេញចូលយប់ព្រលប់មិនឈប់និងតែងតែងបាត់បង់សម្ភារទ្រព្យសម្បត្តិដែលមានតម្លៃទេីបកម្លាំងអធិការដ្ឋាននគរបាលខណ្ឌពោធិ៍សែនជ័យបានសហការជាមួយកម្លាំងប៉ុស្តិ៍រដ្ឋបាលសង្កាត់ចោមចៅទី៣ ចុះធ្វេីរដ្ឋបាលក្នុងតំបន់ដែលស្មុគស្មាញ ប្រទះឃេីញក្រុមក្មេងទំនេីងពពាក់ពពូនគ្នានៅក្នុងបន្ទប់ជួល ហើយពេលត្រួតពិនិត្យបានរកឃេីញសម្ភារសម្រាប់កាច់សោ.កម៉ូតូមួយឈុតនិងដាវសាមូរ៉ៃមួយដេីម
ទេីបកម្លាំងធ្វេីការឃាត់ខ្លួនជនសង្ស័យទាំងនោះសរុបចំនួន១០នាក់។
ជនសង្ស័យក្រោយឃាត់ខ្លួនត្រូវបានសមត្ថកិច្ចបញ្ជូនទៅអធិការដ្ឋានគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕
ដោយ៖សុខាសែនជ័យ
