​ ភ្នំពេញ​ ៖​ មួយសប្ដាហ៍ខាងមុខនេះ​ ព្រះរាជាណាចក្រកម្ពុជា​ នឹងទទួលនូវឥទ្ធិពលពីជ្រលងសម្ពាធទាប​ និងខ្យល់មូសុងនិរតី​ ក្នុងកម្រិតពីមធ្យមទៅបង្គួរ​ ចាប់ពីថ្ងៃទី៣១​ ខែឧសភា​ ដល់ថ្ងៃទី៦​ ខែមិថុនា​ ឆ្នាំ២០២៣​ ។ នេះបេីយោងតាមសេចក្ដីជូនដំណឹងរបស់ក្រសួងធនធានទឹក​ និងឧតុនិយម​ បានឱ្យដឹងនៅព្រឹកថ្ងៃទី៣០​ ខែឧសភា​ ឆ្នាំ​២០២៣​ ។
​ គួរបញ្ចាក់ថា​ លក្ខណបែបនេះនឹងធ្វើឲ្យ៖
១៖តំបន់ទំនាបកណ្តាល
* សីតុណ្ហភាពអប្បបរមា មានពី ២៥-២៧ °C
* សីតុណ្ហភាពអតិបរមា មានពី ៣៣-៣៥ °C
* អាចមានភ្លៀងធ្លាក់ក្នុងកម្រិតពីខ្សោយទៅមធ្យម លាយឡំដោយផ្គរ រន្ទះ និងខ្យល់កន្រ្តាក់ ។
២៖តំបន់ខ្ពង់រាប
* សីតុណ្ហភាពអប្បបរមា មានពី ២៤-២៦ °C
* សីតុណ្ហភាពអតិបរមា មានពី ៣២-៣៤ °C
* អាចមានភ្លៀងធ្លាក់ក្នុងកម្រិតពីតិចទៅបង្គួរ លាយឡំដោយផ្គរ រន្ទះ និងខ្យល់កន្ត្រាក់ ។
៣៖តំបន់មាត់សមុទ្រ
* សីតុណ្ហភាពអប្បបរមា មានពី ២៣-២៥ °C
* សីតុណ្ហភាពអតិបរមា មានពី ៣០-៣២ °C
* អាចមានភ្លៀងធ្លាក់ក្នុងកម្រិតពីមធ្យមទៅច្រើន លាយឡំដោយផ្គរ រន្ទះ និងខ្យល់កន្ត្រាក់ ។ នៅលើផ្ទៃសមុទ្រនឹងអាចមានភ្លៀង ខ្យល់ ផ្គរ រន្ទះ និងរលកសមុទ្រខ្ពស់។
ជាមួយគ្នានេះ ក្រសួងអំពាវនាវឲ្យមានការបង្កើនការប្រុងប្រយ័ត្ន ចំពោះបាតុភូតធម្មជាតិ ដែលអាចកើតមានឡើងជាយថាហេតុ ៕ដោយ​ ៖​ ភារ៉ា​ ដង្កោ