ភ្នំពេញ​ ៖​ ផ្ទះប្រជាពលរដ្ឋចំនួន០២ខ្នងស្ថិតនៅជាប់ផ្លូវបេតុង​ ភូមិមិត្តភាព​ សង្កាត់ព្រែកឯង​ ខណ្ឌច្បារអំពៅ​ ត្រូវបានអគ្គិភ័យឆាបឆេះយ៉ាងសន្ធោសន្ធៅ​ កាលពីវេលាម៉ោង១រសៀល​ ថ្ងៃទី០៩​ ខែមិថុនា​ ឆ្នាំ២០២៣​នេះ​ ។
​ សមត្ថកិច្ចបានឱ្យដឹងថា​ ម្ចាស់ផ្ទះរងគ្រោះមានឈ្មោះ​ ភិន​ ស្រីម៉ៅ​ ភេទស្រី​ អាយុ៣៧ឆ្នាំ​ មុខរបរកាត់ដេរ​ ។
​ តាមប្រភព័ត៌មានពីកន្លែងកេីតហេតុបានឱ្យដឹងថា​ មុខកេីតហេតុនោះ​ គេលឺសម្លេងផ្ទុះឆរន្តអគ្គិសនីចេញពីផ្ទះសង់ពីឈេីលេី​ ថ្មក្រោម​ និងមានអណ្ដាតភ្លេីងឆេះឡេីងតែម្ដង​ បង្កឱ្យមានការភ្ញាក់ផ្អេីលដល់អ្នកជិតខាងជួយយកទឹកជះពន្លត់​ និងរាយការណ៍ទៅអាជ្ញាធរមូលដ្ឋានឱ្យជួយរថយន្តពន្លត់អគ្គិភ័យមកបាញ់ទឹកពន្លត់​ ។ បន្ទាប់ពីទទួលបានព័ត៌មាននេះភ្លាម​ អាជ្ញាធរមូលដ្ឋាន​ និងមន្ត្រីជំនាញអន្តរាគមន៍ពន្លត់​ បង្ការពន្លត់អគ្គិភ័យបានចេញរថយន្តជាច្រេីនគ្រឿងដេីម្បីធ្វេីការបាញ់ទឹកពន្លត់​ ។
​ ក្នុងករណីអគ្គិភ័យនេះ​ កម្លាំងជំនាញបង្ការ​ សង្គ្រោះអគ្គិភ័យ​ បានធ្វេីការបាញ់ទឹកពន្លត់អស់ទឹកចំនួន០៨ឡាន​ ដោយប្រេីពេលវេលា១ម៉ោងក៏រលត់ទៅវិញជាស្ថាពរ​ និងមិនរាលដាលដល់ផ្ទះផ្សេងទៀត​ ឬគ្រោះថ្នាក់ដល់មនុស្សណាម្នាក់ឡេីយ​ ។
​ ចំពោះការខូចខាត​ គឺ​ផ្ទះ០១ខ្នងសង់ពីឈេីលេី​ ថ្មក្រោម​ខូចខាតទាំងស្រុង​ និងផ្ទះល្វែង០១ខ្នងទៀតខូចខាត៣០% ៕ ដោយ​ ៖​ ភារ៉ា​ ដង្កោ