ភ្នំពេញ៖ ស្ត្រី២នាក់បានរងរបួសធ្ងន់និងស្រាលខណៈកំពុងជិះម៉ូតូឌុបគ្នាត្រូវរថយន្តបុកពេញទំហឹងកាលពីវេលាម៉ោង៩យប់ ថ្ងៃទី៤ ខែកក្កដា ឆ្នាំ២០២៣ នៅចំណុចមុខច្រកផ្សារទួលគោក តាមបណ្តោយផ្លូវលេខ៦១៤ កែងផ្លូវលេខ២៨៩ ស្ថិតក្នុងសង្កាត់បឹងកក់ទី២ ខណ្ឌទួលគោក។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញស្ត្រីពីរនាក់ជិះម៉ូតូម៉ាកឃ្លីកពណ៌សលាយខ្មៅ ពាក់ស្លាកលេខភ្នំពេញ1BR-9285 ធ្វេីដំណេីរតាមបណ្តោយផ្លូវលេខ៦១៤ក្នុងទិសដៅពីកេីតទៅលិច ខណៈជិះមកដល់ចំណុចកេីតហេតុស្រាប់តែមានរថយន្តម៉ាកតូយូ៉តាCross ពណ៌ស ពាក់ស្លាកលេខភ្នំពេញ2BL-8291 ធ្វេីដំណេីរតាមបណ្តោយផ្លូវលេខ២៨៩ ក្នុងទិសដៅពីជេីងទៅត្បូងជ្រុលទៅបុកម៉ូតូពេញទំហឹងបណ្តាលឱ្យស្ត្រីម្នាក់រងរបួសបាក់ភ្លៅនិងម្នាក់ទៀតរបួសស្រាល។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះភ្លាមៗនៅមន្ទីរពេទ្យ ចំណែកម៉ូតូនិងរថយន្តត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយនៅពេលក្រោយ៕ 
ដោយ៖សុខាសែនជ័យ
