ជាកីឡាករមិនមានតម្លៃផ្ទេរ Ashley Young បានយល់ព្រមចូលរួមជាមួយ Everton ហើយបានពិនិត្យសុខភាពរួចរាល់ថ្ងៃអង្គារនេះបន្ទាប់ពីចាកចេញពី Aston Villa នៅរដូវក្តៅនេះ។ កិច្ចសន្យារបស់ Young នៅ Villa Park បានផុតកំណត់ ហើយគាត់បានពិភាក្សាជាមួយក្លិប Luton ផងដែរ ខណៈដែលក្លិបមកពីក៏ចាប់អារម្មណ៍អារ៉ាប៊ីសាអ៊ូឌីត ប៉ុន្តែកីឡាកររូបនេះបានសម្រេចចិត្តចូលរួមជាមួយ Everton ។

 Young វ័យ៣៨ឆ្នាំបានជួយក្រុមឈ្នះ Premier League និង FA Cup, Europa League និង League Cup ក៏ដូចជាពានរង្វាន់ Serie A ជាមួយ Inter Milan។ ខ្សែការពាររូបនេះនឹងក្លាយជាកីឡាករដំបូងរបស់ Everton ក្រោមការដឹកនាំរបស់លោក Sean Dyche។ ខ្សែការពាររូបនេះបង្ហាញខ្លួនបាន៣៩ប្រកួតនៅអង់គ្លេស ដោយលេងចុងក្រោយក្នុងការប្រកួតវគ្គពាក់កណ្តាលផ្តាច់ព្រ័ត្រ World Cup 2018 ជាមួយក្រូអាត។

 អតីតគ្រូបង្វឹកក្រុម Burnley លោក Dyche បានចូលកាន់តំណែងកាលពីខែមករា ដោយជំនួសតំណែងលោក Frank Lampard និងបានដឹកនាំក្លិបទៅកាន់ការរស់រានមានជីវិតនៅ Premier League នៅថ្ងៃចុងក្រោយនៃរដូវកាលនេះ។

 Young បានលេងជាង៧០០ប្រកួតអាជីពសម្រាប់ក្លិប និងប្រទេសរួមទាំងការបង្ហាញខ្លួន៣២ដងសម្រាប់ Aston Villa កាលពីរដូវកាលមុន ហើយនឹងផ្តល់បទពិសោធន៍ដល់ក្រុម Everton ដែលបានគេចផុតពីការកាត់ចោលក្នុងរយៈពេល២រដូវកាលចុងក្រោយនេះ។

 កាលពីថ្ងៃចន្ទ Everton បានធ្វើដំណើរទៅប្រទេសស្វីសសម្រាប់ជំរុំហ្វឹកហាត់រយៈពេល៥ថ្ងៃនៅតំបន់ Alps ជាកន្លែងដែលពួកគេនឹងជួបជាមួយក្រុម Stade Nyonnais នៅថ្ងៃសុក្រខាងមុខនេះ ៕ (រូបភាព ៖ BBC Sport)