ខ្សែប្រយុទ្ធ Sadio Mane កំពុងស្ថិតក្នុងការពិភាក្សាលើការផ្ទេរដ៏មានសក្តានុពលពី Bayern Munich ទៅក្លិបនៅអារ៉ាប៊ីសាអ៊ូឌីត។នេះបើយោងតាមក្រុមម្ចាស់ជើងឯកអាឡឺម៉ង់មួយនេះបានបញ្ជាក់កាលពីថ្ងៃទី២៩ កក្កដា ឆ្នាំ២០២៣។

 ខ្សែ ប្រយុទ្ធ សញ្ជាតិសេណេហ្គាល់ វ័យ៣១ឆ្នាំ រូបនេះ បាន ទទួល សំណើ មួយ ដើម្បី ចូល រួម ជាមួយ ក្រុម Al-Nassr របស់Saudi Pro League។ Mane បានធ្វើដំណើរក្នុងកម្មវិធីប្រកួតដំណើរទេសចរណ៍មុនរដូវកាលរបស់ Bayern នៅអាស៊ី ប៉ុន្តែត្រូវបានចាកចេញពីការប្រកួតមិត្តភាពកាលពីថ្ងៃសៅរ៍ជាមួយក្រុម Kawasaki Frontale ក្នុងទីក្រុងតូក្យូ។

 ក្លិប Bayern Munich បានប្រកាសថា “Sadio Mane កំពុងស្ថិតក្នុងការពិភាក្សាលើកិច្ចសន្យាមុនការផ្ទេរដែលអាចធ្វើទៅបានហើយដូច្នេះមិនមែននៅក្នុងក្រុមថ្ងៃនេះទេ“។

Mane ទើបតែបានចូលរួមជាមួយ Bayern Munich កាលពីរដូវក្តៅមុន ដោយបានចុះហត្ថលេខាលើកិច្ចសន្យារយៈពេល៣ឆ្នាំបន្ទាប់ពីផ្ទេរពី Liverpool ក្នុងតម្លៃ៣៥លានផោន។ គាត់ស៊ុតបញ្ចូលទីបាន១២គ្រាប់ក្នុងការបង្ហាញខ្លួន៣៨ដង ខណៈដែល Bayern Munich បានឈ្នះជើងឯក Bundesliga លើកទី 1១១ជាប់ៗគ្នា។

 គាត់បានធ្លាក់ចេញពីជម្រើស១១នាក់ដំបូងពីការពេញចិត្តរបស់គ្រូបង្វិកក្នុងរដូវកាលដ៏លំបាកមួយ ដែលត្រូវបានគេរាយការណ៍ថាមានជម្លោះជាមួយមិត្តរួមក្រុម Leroy Sane បន្ទាប់ពីបរាជ័យក្នុងក្របខ័ណ្ឌ Champions League ដោយ Manchester City កាលពីខែមេសា ដែល Mane ត្រូវបានទម្លាក់ចេញពីក្រុមក៏ដូចជាការពិន័យផងដែរ។

 ក្លិបនៅអារ៉ាប៊ីសាអ៊ូឌីត Al-Nassr បានចុះហត្ថលេខាលើម្ចាស់ពានរង្វាន់ Ballon d’Or ៥សម័យកាល Cristiano Ronaldo ក្នុងខែធ្នូ ហើយបានតាមដាននៅរដូវក្តៅនេះដោយចុះហត្ថលេខាលើខ្សែបម្រើក្រូអាត Marcelo Brozovic, ខ្សែការពារប្រេស៊ីលAlex Telles និងខ្សែបម្រើសញ្ជាតិកូតឌីវ័រ Seko Fofana។ បច្ចុប្បន្នក្លិបក៏កំពុងចរចាជាមួយខ្សែប្រយុទ្ធខាងលើដើម្បីមកជួយក្រុមក្នុងការប្រជែងនៅពានរង្វាន់លីកកំពូលអារ៉ាប៊ីសាអ៊ូឌីតនៅរដូវកាលនេះ ៕ (រូបភាព ៖ BBC Sport)