ភ្នំពេញ៖ ជនសង្ស័យមួយក្រុមមានប្រុសមានស្រីជាង១០នាក់ធ្វេីសកម្មភាពឆក់យកទូរស័ព្ទពីស្ត្រីម្នាក់បានសម្រេចហេីយព្យាយាមគេចខ្លួនត្រូវបានសមត្ថកិច្ចឃាត់បានបក្ខពួកម្នាក់។
ហេតុការណ៍នេះបានកេីតឡេីងកាលពីវេលាម៉ោង១០និង៤០នាទីព្រឹកថ្ងៃទី០២ ខែសីហា ឆ្នាំ២០២៣ នៅចំណុចផ្លូវ
រថភ្លេីងកែងផ្លួវវិមានឈ្នះ=ឈ្នះ ក្នុងភូមិសំរោង សង្កាត់សំរោង ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញស្ត្រីម្នាក់ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ2CQ-8092 ធ្វេីដំណេីរតាមបណ្តោយផ្លូវវិមានឈ្នះ=ឈ្នះ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុក៏បានដកទូរស័ព្ទម៉ាកOPPO មកនិយាយ ភ្លាមនោះស្រាប់តែមានជនសង្ស័យមួយក្រុមមានប្រុសមានស្រីជិះម៉ូតូ៥គ្រឿងគ្នាជាង១០នាក់មកពីក្រោយហេីយបានធ្វេីសកម្មភាពឆក់យកទូរស័ព្ទពីជនរងគ្រោះបានសម្រេចហេីយព្យាយាមគេចខ្លួន។
ប្រភពដដែលបានបន្តថា ភ្លាមនោះជនរងគ្រោះក៏បានដេញពីក្រោយស្រែកថាចោរៗ ស្របពេលសមត្ថកិច្ចកំពុងធ្វេីចរាចរណ៍តាមផ្លូវមុខផ្សារបឹងបៃតងក៏ស្ទាក់ចាប់បានម្នាក់ភ្លាមៗនិងដកហូតម៉ូតូមួយគ្រឿងម៉ាកស្គូពីពណ៌ខ្មៅ ពាក់ស្លាកលេខភ្នំពេញKF-2188 ចំណែកទូរស័ព្ទជនរងគ្រោះត្រូវបានបក្ខពួកជនសង្ស័យយកទៅបាត់។
បច្ចុប្បន្នជនសង្ស័យត្រូវបានសមត្ថកិច្ចនាំខ្លួនយកទៅសួរចម្លេីយនៅប៉ុស្តិ៍នគរបាលសំរោងក្រោមដេីម្បីកសាងសំណុំរឿងបញ្ជូនទៅអធិការដ្ឋាននគរបាលខណ្ឌពោធិ៍សែនជ័យបន្ត៕
ដោយ៖សុខាសែនជ័យ
