ខេត្តកណ្ដាល: យុវជនម្នាក់ ជិះម៉ូតូយប់ស្ងាត់ម្នាក់ឯង ត្រូវបានក្រុមជនសង្ស័យ៤នាក់ ជិះដេញតាមរួចយកដុំថ្មគប់ បណ្ដាលឲ្យរងរបួសយ៉ាងដំណំ រួចយកម៉ូតូជនរងគ្រោះជិះគេចខ្លួនបាត់ស្រមោល ។ ករណីលួចមានស្ថានទម្ងន់ទោស បានកើតឡើងនៅថ្ងៃទី១៣ ខែសីហា ឆ្នាំ២០២៣ វេលាម៉ោង០៣:និង៣០នាទីទាបភ្លឺ ចំណុចមុខអនុវិទ្យាល័យអរិយក្សត្រ ស្ថិតនៅ ភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ក្រុងអរិយក្សត្រ។
មន្ត្រីនគរបាលក្រុងអរិយក្សត្របានឲ្យដឹងថា ជនរងគ្រោះឈ្មោះ រស់ វឌ្ឍនា ភេទប្រុស អាយុ២៧ឆ្នាំ ជនជាតិខែ្មរ មុខរបរ ពេទ្យសត្វ មានទីលំនៅបច្ចុប្បន្ន ភូមិបារាជ សង្កាត់ស្វាយជ្រុំ ក្រុងអរិយក្សត្រ ខេត្តកណ្តាល ។ ចំណែកជនសង្ស័យ០៤នាក់
មិនទាន់ស្គាល់អត្តសញ្ញាណ(សមត្ថកិច្ចកំពុងធ្វើការស្រាវជ្រាវ)។ សំភារះបាត់បាត់បង់ ១.ម៉ូតូម៉ាក Honda Scoopy ពណ៍ស លាយផ្កាឈូក ផលិតឆ្នាំ២០២២ ពាក់ផ្លាក់លេខ 1JM-8242 ចំនួន ០១គ្រឿង។
ប្រភពដដែលបន្តថា នៅថ្ងៃទី១៣ ខែសីហា ឆនាំ២០២៣ វេលាម៉ោង ០៣និង០០នាទីទាបភ្លឺ ជនរងគ្រោះបានជិះម៉ូតូរបស់ខ្លួនម៉ាក Honda Scoopy ពណ៍ស លាយផ្កាឈូក ផលិតឆ្នាំ២០២២ ពាក់ផ្លាក់លេខ 1JM-8242 ចេញពីរាជធានីភ្នំពេញ បំណងទៅផ្ទះនៅក្នុងបុរីទួលសង្កែ ដោយជិះឆ្លងតាមកំពង់ចម្លងអរិយក្សត្រ លុះពេលធ្វេីដំណេីដល់មុខវត្តពេជ្រម្តុដ ស្ថិតក្នុងភូមិអរិយក្សត្រនៅវេលាម៉ោង០៣និង៣០នាទីទាបភ្លឺ ក៏ជួបជនសង្ស័យចំនួន០៤នាក់ ជិះម៉ូតូចំនួនពីរគ្រឿង ម៉ាកHonda Dream ពណ៍ខ្មៅ មិនចាំផ្លាកលេខ និងម៉ូតូ១គ្រឿងទៀតម៉ាក Suzuki Nex ពណ៌ស មួយគ្រឿង នៅឈប់លេីផ្លូវក្បែរបងវត្ត ដោយឃេីញជនរងគ្រោះជិះម៉ូតូម្នាក់ឯង ទេីបក្រុមជនសង្ស័យជិះម៉ូតូដេញតាមកាក់ពីមុខម៉ូតូជនរងគ្រោះអោយឈប់ នៅចំណុចមុខសាលាអនុវិទ្យាល័យអរិយក្សត្រ ស្ថិតក្នុងភូមអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ហេីយបានដកកាំភ្លេីងខ្លីភ្ជង់ជនរងគ្រោះទារយកតេឡេសោម៉ូតូ តែជនរងគ្រោះមិនអោយរួចព្យាយាមបន្តជិះទៅមុខទៀតក៏ត្រូវជនសង្ស័យយកដុំថ្មមកវាយក្បាលចំខាងក្រោយចំនួនពីរដងបណ្តាលអោយបែកក្បាល ទេីបជនរងគ្រោះ ចុះពីលេីម៉ូតូហេីយដកតេឡេម៉ូតូអោយក្រុមជនសង្ស័យ ពេលបានតេឡេរួចជនសង្ស័យក៏បានឡេីងជិះម៉ូតូគេទៅបាត់ ដោយមិនច្បាស់ថាក្រុមជនសង្ស័យជិះគេចខ្លួនទៅខាងណាទេ។
បច្ចុប្បន្នកម្លាំងជំនាញកំពុងធ្វេីការស្រាវជ្រាវស្វែងរកមុខសញ្ញាដេីម្បីមកចាត់ការតាមនីតិវិធីច្បាប់៕
ដោយ៖ស្អាងជ័យ
