ភ្នំពេញ៖ កាលពីព្រឹកថ្ងៃទី៣០ ខែមិថុនា ឆ្នាំ២០១៦ លោក ថោ ជេដ្ឋា រដ្ឋលេខាធិការ ក្រសួងធនធានទឹក និងឧតុនិយម ចូលរួមបើកកិច្ចប្រជុំក្រុមការងារបច្ចេកទេសកសិកម្ម និងទឹក នៅសណ្ឋាគារកាំបូឌីយ៉ាណា ។

កិច្ចប្រជុំនេះផ្តោតសំខាន់លើការងារមួយចំនួនដូចជា៖
– ត្រួតពិនិត្យការងារដែលក្រុមការងារបច្ចេកទេស អនុវត្តបាននាពេលកន្លងមក
– ពិភាក្សា និងអនុម័តលើក្របខណ្ឌការងារដែលអនុវត្តបាន
– ចែករំលែកព័ត៌មានស្តីពីកសិកម្ម និងការងារពាក់ព័ន្ធដទៃទៀត
– ពិភាក្សាលើការបង្កើតអនុក្រុមលើវិស័យធារាសាស្រ្ត ដែលមានឈ្មោះថា អនុក្រុមការងារបច្ចេកទេសគ្រប់គ្រងប្រព័ន្ធធារាសាស្រ្ត
– ពិភាក្សាលើគោលដៅ និងជំហ៊ានត្រូវអនុវត្តបន្តទៀត
– ធ្វើការអំពាវនាវលើការគៀងគរជំនួយថវិកាបន្ថែម និងការគាំទ្រដល់ការបង្កើតអនុក្រុមការងារបច្ចេកទេសគ្រប់គ្រងប្រព័ន្ធធារាសាស្រ្ត ។

ការងារបង្កើតអនុក្រុមការងារបច្ចេកទេសគ្រប់គ្រងប្រព័ន្ធធារាសាស្រ្តគឺក្នុងគោលបំណង ៖
– ជំរុញនិងពង្រឹងការគ្រប់គ្រងប្រព័ន្ធធារាសាស្រ្តឲ្យមានប្រសិទ្ធភាព និងនិរន្តរភាព
– ពង្រីកសក្តានុពលប្រព័ន្ធធារាសាស្រ្តដើម្បីឆ្លើយតបទៅនឹងលទ្ធភាពនៃការស្រោចស្រព
– ជំរុញការស្តារ និងពង្រឹងហេដ្ឋារចនាសម្ព័ន្ធធារាសាស្រ្ត ដើម្បីឆ្លើយតបទៅនឹងគ្រោះមហន្តរាយ ដែលបណ្តាលមកពីការប្រែប្រួលអាកាសធាតុ
– ធ្វើការពង្រឹង និងផ្សព្វផ្សាយច្បាប់ស្តីពីការបង្កើត និងការរំលាយចោលសហគមន៍កសិករប្រើប្រាស់ទឹក
– ធ្វើការពង្រឹងការងារជួសជុល និងថែទាំឡើងវិញហេដ្ឋារចនាសម្ព័ន្ធធារាសាស្រ្ត ៕

ដោយ៖ សីលា