ភ្នំពេញ៖ បុរសម្នាក់បើករថយន្តមួយគ្រឿងម៉ាកMarchបានបែកកង់ហើយរេចង្កូតទៅបុកជាមួយរថយន្តទឹកទំនិញបណ្តាលរងការខូចខាតបែកកង់ខាងឆ្វេងទៅមុខលែងរួច ។
ហេតុការណ៍នេះបានកើតឡើងកាលពីវេលាម៉ោង៨យប់ ថ្ងៃទី២៩ ខែកក្កដា ឆ្នាំ២០១៥ នៅតាមបណ្តោយផ្លូវបេតុង ស្ថិតក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តដឹកទំនិញមួយគ្រឿង ពណ៌សលាយលឿង ធ្វើដំណើតាមបណ្តោយផ្លូវបេតុងក្នុងទិសដៅពីត្បូងទៅជើង ខណៈមកដល់ចំណុចកើតហេតុស្រាប់ តែមានរថយន្តមួយគ្រឿងម៉ាកMarch បើកបរដោយបុរសម្នាក់ធ្វើដំណើរបញ្ជ្រាស់ទិសគ្នា។
បន្ទាប់មករថយន្តម៉ាកMarchក៏បានបែកកង់ខាងឆ្វេងហើយបានរេចង្កូតទៅបុកនិងរថយន្តទឹកទំនិញចំពីចំហៀងកង់ខាងក្រោយបណ្តាលឲ្យរងការខូចខាតយ៉ាងដំណំ ៕ សុខា សែនជ័យ
