ភ្នំពេញ៖ កម្លាំងផ្នែកប្រឆាំងគ្រឿងញៀន នៃអធិការដ្នាននគរបាលខណ្ឌទួលគោក បានចុះស្រាវជ្រាវរហូតឈានដល់ការបង្រ្កាប និងឃាត់ខ្លួនមុខសញ្ញាគ្រឿងញៀនចំនួន ៣នាក់ យកមកសាកសួរដេីម្បីចាត់ការតាមច្បាប់។
បេីតាមការបញ្ជាក់ពីមន្រ្តីជំនាញប្រឆាំងគ្រឿងញៀនខណ្ឌទួលគោក បានឱ្យដឹងថា ករណីឃាត់ខ្លួនជនសង្ស័យខាងលេីនេះ បានធ្វេីឡើងនៅយប់ថ្ងៃទី១២ ខែកញ្ញា ឆ្នាំ២០២៣ វេលាម៉ោងប្រហែល២២ និង៣០នាទី នៅចំណុចដីឡូលេខ៧២ ផ្លូវលេខ៦៦២ក្រុមទី១ភូមិ១សង្កាត់បឹងសាឡាង ខណ្ឌទួលគោក រាជធានីភ្នំពេញ។
ជនសង្ស័យចំនួន០៣នាក់
ទី១-ឈ្មោះ ប៉ូ សូណាហៅ សូណា ភេទស្រី អាយុ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ ។ (វិជ្ជមាន មានសារធាតុញៀនក្នុងទឹកនោម )
ទី២-ឈ្មោះ លី ហុងហៅ ហុង ភេទប្រុស អាយុ២៨ឆ្នាំ ជនជាតិខ្មែរ មុខរបរ ជាងភ្លើង ស្នាក់នៅមិនពិតប្រាកដ ( វិជ្ជមាន មានសារធាតុញៀនក្នុងទឹកនោម )
ទី៣-ឈ្មោះ សុឹង សុឃុម ហៅ ឃុម ភេទប្រុស អាយុ២៩ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅបន្ទប់ជួលក្រោយKTVញ៉ូស្តាខណ្ឌសែនសុខ រាជធានីភ្នំពេញ ។ ( វិជ្ជមាន មានសារធាតុក្នុងទឹកនោម )។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី៕
ដោយ៖អរុណរះ
