ភ្នំពេញ៖ បុរសម្នាក់ដែលស្គាល់ថាគាត់តែងតែផឹកស្រានៅក្បែររបងរោងចក្រមួយកន្លែង បានដេកស្លាប់បង្កការភ្ញាក់ផ្អើលដល់សមត្ថកិច្ច
ចុះមកពិនត្យទាំងព្រឹកតែម្តង។

ហេតុការណ៍នេះការភ្ញាក់ផ្អើលឡើងនៅពីវេលាម៉ោង៦ព្រឹកថ្ងៃទី២ ខែកក្កដា ឆ្នាំ២០១៦ នៅចំណុចក្បែររោងចក្រ ភី ភីអេស ផ្លូវ៥២៨ ស្ថិតក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ។

ប្រភពព័ត៌មានពីសមត្ថកិច្ចបានប្រាប់ឲ្យដឹងថា ជនរងគ្រោះដែលដេកស្លាប់នេះជាជនអនាថាម្តាយឪពុកស្លាប់ចោលអស់ ព្រមទាំងបងប្អូនបង្កើតដែលនៅរស់សព្វថ្ងៃបានកាត់កាលអស់ហើយ ចំណែកសពជនរងគ្រោះមានឈ្មោះដួង កើត ភេទប្រុស អាយុ៤០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ។

 

បច្ចុប្បន្នសពត្រូវបានសមត្ថកិច្ចដឹកយកទៅតម្កល់នៅវត្តញៀនរង្សី ដើម្បីបូជា៕

ដោយ៖ ស ដារ៉ា