មុខសញ្ញាគ្រឿងញៀនចំនួន០២នាក់ ត្រូវសមត្ថកិច្ចស្រុកសំឡូតបង្រ្កាបឃាត់ខ្លួនរួមនឹងកាំភ្លើងខ្លីមួយដើម

ចែករំលែក៖

ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង នៅរសៀលថ្ងៃទី២២ ខែកញ្ញា ឆ្នាំ២០២៣នេះ បានឱ្យដឹងថា មុខសញ្ញាគ្រឿងញៀនចំនួន០២នាក់ត្រូវបានសមត្ថកិច្ចបង្រ្កាបឃាត់ខ្លួនអនុវត្តតាមច្បាប់នៅស្រុកសំឡូត រួមនឹងវត្ថុតាងគ្រឿងញៀន និងអាវុធខ្លីមួយដេីម។

របាយការណ៍ដដែលបន្តថា កាលពីយប់ថ្ងៃទី២១ ខែកញ្ញាម្សិលមិញនេះ នៅចំណុចអូរតាទៀត ឃុំតាតោក ស្រុកសំ ឡូត ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ ទោ សាត គឹមសាន ស្នងការនៃស្នង ការដ្ឋាននគរបាលខេត្តបាត់ដំបង និងលោកវរសេនីយ៍ឯក សុខ និមល ស្នង ការរងផែនការងារប្រឆាំងគ្រឿងញៀន លោកវរសេនីយ៍ទោ ប៉ាន ចាន់រិទ្ធ នាយការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តបាត់ដំបង ដឹកនាំកម្លាំងសហការជាមួយកម្លាំងនគរបាលស្រុកសំឡូត ដែលមានលោកវរសេនីយ៍ទោ ម៉ែន រីម ជាអធិការ បានចុះប្រតិបត្តិការ បង្ក្រាបបានករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្ដែង និងឃាត់ខ្លួនជនសង្ស័យបានចំនួន ០២នាក់ គឺឈ្មោះអៀម វីរៈ ភេទប្រុស អាយុ២៣ឆ្នាំ មានទីលំ នៅភូមិអដំណាក់សាន ឃុំបូរ ស្រុកភ្នំព្រឹកខេត្តបាត់ដំបង និងឈ្មោះ យ៉ិន កែវវសក្តិ ភេទប្រុស អាយុ២៥ឆ្នាំ មានទីលំនៅភូមិពែទុំឃុំតាំងដូង ស្រុកបាទីខេត្តតាកែវ ។