ខេត្តព្រះសីហនុ៖  ម៉ូតូ១គ្រឿងសណ្ដោងរ៉ឺម៉កដឹកប្រេងបើកជ្រុលចង្កូតធ្លាក់ប្រឡាយបណ្ដាលឲ្យបុរសម្នាក់របួសធ្ងន់និង២នាក់ទៀតរងរបួសស្រាល។

ហេតុការណ៍នេះបានកើតឡើងកាលពីវេលាម៉ោង៩ព្រឹកថ្ងៃទី០២ ខែកក្កដា ឆ្នាំ២០១៦ តាមបណ្ដោយផ្លូវនៅម្ដុំរោងចក្រ ប្រញ៉ូវស្តារ សង្កាត់លេខ១ ក្រុងព្រះសីហនុ ។

ប្រភពពីសមត្ថកិច្ចឲ្យដឹងថា ជនរងគ្រោះទី១-ឈ្មោះ ប្រាក់ កៅ ភេទប្រុស អាយុ១៨ឆ្នាំ រងរបួសធ្ងន់ ទី២-ឈ្មោះ អិច ង៉ុល ភេទប្រុស អាយុ៣២ឆ្នាំ របួសស្រាល និងទី៣-ឈ្មោះ ជ្រុន ចេវ អាយុ១៧ឆ្នាំ ជាអ្នកបើកបររងរបួសស្រាល អ្នកទាំងបីនាក់នេះមានមុខរបរកម្មករស្ថានីួ៍ប្រេងLHR ។

ប្រភពបន្តថា នៅមុនពេលកើតហេតុគេឃើញមានម៉ូតូ១គ្រឿងម៉ាក សង់ការេ ពណ៌ក្រហម ពាក់ស្លាក់លេខ ព្រះសីហនុ 1FV-6360 សណ្ដោងរ៉ឺម៉កដឹកប៊ីដុងប្រេង ជិះគ្នាបីនាក់ ខណៈមកដល់ចំណុចកើតហេតុក៏ជ្រុលចង្កូតធ្លាក់ទៅក្នុងប្រឡាយ បណ្ដាលឲ្យរងរបួសតែម្ដង។

ក្រោយកើតហេតុសមត្ថកិច្ចបានបញ្ជូនជនរងគ្រោះទាំងបីនាក់ទៅកាន់មន្ទីរពេទ្យភ្លាមៗផងដែរ៕

ដោយ៖ ឆ្លាម សមុទ្រ