បណ្តាញទំនាក់ទំនងសង្គមនាពេលថ្មីៗនេះបានផ្សព្វផ្សាយវីដេអូនៃការវាយប្រហារតាមផ្លូវអាកាសរបស់រុស្សីលើរថភ្លើងដែលដឹកសម្ភារយោធាអ៊ុយក្រែននៅតំបន់ Pokrovsk ទីក្រុង Donetsk ។

វីដេអូដែលថតបានដោយយន្តហោះគ្មានមនុស្សបើកបង្ហាញពីរថភ្លើងដឹកសម្ភារយោធាផ្ទុះខ្លាំងក្រោយការវាយប្រហារ។ ពេលវេលាពិតប្រាកដនៃការវាយប្រហារមិនត្រូវបានបង្ហាញដោយកងកម្លាំងរុស្ស៊ីទេ។
អ្នកជំនាញបាននិយាយថា ការវាយប្រហារលើរថភ្លើងអ៊ុយក្រែនទំនងជាធ្វើឡើងដោយកងកម្លាំងយោធារុស្ស៊ីដោយប្រើកាំជ្រួច Tornado-S MLRS 300 mm ។ បច្ចុប្បន្ន ក្រសួងការពារជាតិរុស្ស៊ី និងអ៊ុយក្រែនមិនបានធ្វើអត្ថាធិប្បាយលើព័ត៌មានខាងលើនេះទេ។
គេដឹងថា នេះមិនមែនជាលើកទីមួយទេដែលកងកម្លាំងរុស្ស៊ី បានបំផ្លាញកប៉ាល់ដែលផ្ទុកសម្ភារយោធាអ៊ុយក្រែន។ មុននេះ កាលពីថ្ងៃទី 29 ខែសីហា ក្រសួងការពារជាតិរុស្ស៊ីបានរាយការណ៍ថា យោធារបស់ប្រទេសនេះបានបំផ្លាញរថភ្លើងដែលពោរពេញទៅដោយគ្រាប់រំសេវ និងឧបករណ៍យោធារបស់អ៊ុយក្រែននៅក្នុងតំបន់ Donetsk ។
នៅថ្ងៃទី 21 ខែសីហា កងទ័ពអាកាសរុស្ស៊ីក៏បានធ្វើការវាយប្រហារដោយកាំជ្រួចដ៏ជាក់លាក់មួយដើម្បីបំផ្លាញរថភ្លើងចំនួន 3 ដែលផ្ទុកអាវុធនិងគ្រាប់រំសេវ និង 10 ឡានដឹកទំនិញរបស់កងទ័ពអ៊ុយក្រែននៅស្ថានីយMezhevaya ក្នុងខេត្ត Dnepropetrovsk ៕ ដោយធីរីណា

រូប​ថត​: tienphong