ខេត្តស្វាយរៀង៖ មានហេតុការណ៍គ្រោះថ្នាក់ចរាចរណ៍បណ្ដាលឲ្យស្ត្រីមានផ្ទៃពោះម្នាក់រងរបួសធ្ងន់ម៉ូតូ២គ្រឿងបុកគ្នារួចបន្តមកបុកស្ត្រីមានផ្ទៃពោះខណៈដើរតាមផ្លូវជាតិលេខ១។

ហេតុការណ៍ខាងលើនេះកើតឡើងកាលពីវេលាម៉ោង៦និង២០នាទីប្រលប់នៅថ្ងៃទី០៣ កក្ដដា ២០១៦ នៅលេីផ្លូវជាតិលេខ១ ស្ថិតក្នុងភូមិដំបូកជួរ សង្កាត់ច្រកម្ទេស ក្រុងបាវិត។

ប្រភពសមត្ថកិច្ចមូលដ្ឋានឲ្យដឹងថា មុនពេលកើតហេតុមានម៉ូតូមួយគ្រឿង ម៉ាកហុងដាសេ១២៥ សេរីឆ្នាំ២០០៩ ពណ៌ខ្មៅ ពាក់ផ្លាកលេខព្រៃវែង 1D-5603 ធ្វើដំណើពីកើតទៅលិចបេីកបរដោយឈ្មោះ សុខ កុសល់ ភេទប្រុស អាយុ៣៩ឆ្នាំ ជនជាតិខ្មែរ មុខរបរកសិករ មានទីលំនៅភូមិ រោងបន្លែសង្កាត់-ក្រុងស្វាយរៀង បានបើកទៅបុកម៉ូតូមួយគ្រឿងទៀតពីក្រោយ ម៉ាកហុងដាវិស្តុន ពណ៌ខៀវ គ្មានផ្លាកលេខ បេីកបរដោយឈ្មោះ គង់ កុសល់ ភេទប្រុសអាយុ៤២ឆ្នាំ មុខរបរគ្រូបង្រៀន មានទីលំនៅភូមិដេីមពោធិ៍ ឃុំកណ្ដៀងរាយ ស្រុកស្វាយទាប ហេីយក៏បានបន្តជ្រុលទៅបុកអ្នកថ្មេីរជេីងឈ្មោះ ប៉ែន ម៉ាឡៃ ភេទស្រី អាយុ២៩ឆ្នាំ មុខរបរកសិករ មានទីលំនៅភូមិដំបូកជួរសង្កាត់ច្រកម្ទេស ក្រុងបាវិត (មានផ្ទៃពោះ) បណ្ដាលឲ្យបាក់ភ្លៅ ខាងស្ដាំសន្លប់និងកន្លែងតែម្ដង។

ក្រោយកើតហេតុប្រជាពលរដ្ឋបានរាយការណ៍មកនគរបាលមូលដ្ឋានរួចបញ្ជូនជនរងគ្រោះទាំង៣នាក់មកកាន់មន្ទីរពេទ្យរបង្អែកជីភូរ ក្រុងបាវិត ប៉ុន្តែដោយស្ត្រីមានផ្ទៃពោះរងរបួសធ្ងន់ត្រូវបានក្រុមគ្រួសារបញ្ជូនទៅព្យា​បាល​នៅប្រទេសវៀតណាម។

ម៉ូតូទាំងពីគ្រឿងត្រូវបានសមត្ថកិច្ចយកមករក្សាទុកនៅប៉ុស្ដិ៍នគរបាលរដ្ឋបាលច្រកម្ទេស ដើម្បីកសាងសំណុំរឿងទៅតាមនីតិវិធី៕

ដោយ៖ យឹម សុថាន