ខេត្តកំពង់ចាម៖ កាលពីវេលាម៉ោង១២ និង៤០នាទីរសៀលថ្ងៃទី៤ ខែកក្កដា ឆ្នាំ២០១៦ យុវតីជាសិស្សថ្នាក់ទី១០ម្នាក់បានជួបគ្រោះថ្នាក់ចរាចរណ៍ដ៏សែនរន្ធត់រថយន្តបុកស្លាប់ភ្លាមៗនៅនឹងកន្លែងកើតហេតុ ស្ថិតនៅចំណុចភូមិតាំងគ្រង ឃុំស្វាយទៀប ស្រុកចំការលើ ខេត្តកំពង់ចាម។

យុវតីរងគ្រោះឈ្មោះ ស្រី លិន អាយុ១៥ឆ្នាំ ជាសិស្សថ្នាក់ទៅ១០ត្រូវបានរថយន្តបុកពេញទំហឹងនៅចំណុចជិតសាលាបឋមសិក្សាស្វាយទៀប ខណៈកំពុងជិះម៉ូតូធ្វើដំណើរតាមដងផ្លូវ។ ដោយឡែកអ្នកបើករថយន្តបង្កហេតុមិនត្រូវស្គាល់អត្តសញ្ញាណនៅឡើយទេ ព្រោះក្រោយកើតហេតុរត់គេចខ្លួន។ ចំណែកសពជនរងគ្រោះត្រូវបានសមត្ថកិច្ចប្រគល់ទៅឲ្យក្រុមសាច់ញាតិយកទៅធ្វើបុណ្យតាមប្រពៃណី៕

ដោយ៖ សុខ ខេមរា