ភ្នំពេញ៖ នៅព្រឹកថ្ងៃទី០៤ ខែកក្កដា ឆ្នាំ២០១៦ នេះ លោក សួស គង់ រដ្ឋលេខាធិការ និងប្រធានសម្របសម្រួល​គម្រោង ដឹកនាំកិច្ចប្រជុំក្រុមការងារគម្រោងកែលម្អផ្លូវជនបទជំហានទី២ (RRIP II) ដើម្បីស្តាប់របាយការណ៍លើកដំបូងរបស់ក្រុមហ៊ុនទីប្រឹក្សាស្តីពី កម្មវិធីផ្សព្វផ្សាយ និងការពារជម្ងឺ Aids និងការជួញដូរមនុស្ស ។

គោលដៅគម្រោង RRIP II នេះ ដែលជាគម្រោងក្រាលកៅស៊ូពីរជាន់ប្រភេទ DBST លើផ្លូវក្រាលក្រួសក្រហមប្រវែង ១.២០០គីឡូម៉ែត្រក្នុងខេត្តចំនួន១០ គឺកំពង់ចាម ត្បូងឃ្មុំ កំពង់ធំ សៀមរាប បន្ទាយមានជ័យ បាត់ដំបង ពោធិ៍សាត់ កំពង់ឆ្នាំង កំពង់ស្ពឹ និង តាកែវ៕

ដោយ៖ សីលា