ក្រសួងការពារជាតិអុីស្រាអែល នាពេលថ្មីៗនេះបានបញ្ជាក់ថា ការដឹកជញ្ជូនជំនួយយោធាអាមេរិកលើកទី៤៥ ត្រូវបានដឹកជញ្ជូនទៅកាន់ប្រទេសនេះតាមយន្តហោះដឹកជញ្ជូន។
ក្រសួងការពារជាតិអុីស្រាអែលក៏បានបង្ហោះវីដេអូ និងរូបថតដែលបង្ហាញពីការដឹកជញ្ជូនជំនួយយោធាដែលកំពុងដឹកជញ្ជូនទៅកាន់អាកាសយានដ្ឋាន។ នៅក្នុងសេចក្តីថ្លែងការណ៍មួយ ក្រសួងការពារជាតិអុីស្រាអែលបាននិយាយថា ខ្លួនបានទទួល “អាវុធប្រហែល 1,000 តោន និងការផ្គត់ផ្គង់យោធាដែលផ្ទេរដោយសហរដ្ឋអាមេរិក ដើម្បីពង្រឹងសមត្ថភាពប្រយុទ្ធរបស់កងទ័ពអុីស្រាអែល” ។
អុីស្រាអែលមិនបានបញ្ជាក់ពីការដឹកជញ្ជូនជាក់លាក់ដែលអាមេរិកបានគាំទ្រនោះទេ ប៉ុន្តែបាននិយាយថា យន្តហោះដឹកជញ្ជូនបាននាំយកគ្រឿងផ្គត់ផ្គង់យោធា ឧបករណ៍ពេទ្យ និងរថយន្តសង្គ្រោះ។
ការដឹកជញ្ជូនមួយផ្សេងទៀតត្រូវបានដឹកជញ្ជូនដោយសហរដ្ឋអាមេរិកទៅកាន់ប្រទេសអុីស្រាអែលកាលពីថ្ងៃទី 19 ខែតុលា ដោយមានរថពាសដែកយោធាជាបន្តបន្ទាប់។ ជម្លោះអុីស្រាអែលនិងហាម៉ាស់់បានផ្ទុះឡើងជាថ្មីម្តងទៀតនៅថ្ងៃទី៧ ខែតុលា។ ចាប់តាំងពីពេលនោះមក ជាមធ្យមជារៀងរាល់ថ្ងៃ យន្តហោះអាមេរិកបាននាំយកការផ្គត់ផ្គង់យោធានិងសព្វាវុធទៅកាន់ប្រទេសអុីស្រាអែល។
គ្រាប់កាំភ្លើងធំនិងគ្រាប់រ៉ុក្កែតដែលប្រើសម្រាប់ប្រព័ន្ធការពារដែនអាកាស Iron Dome ស្ថិតក្នុងចំណោមការដឹកជញ្ជូនដែលអុីស្រាអែលបានផ្ញើស្នើសុំការគាំទ្រពីសហរដ្ឋអាមេរិក។ លើសពីនេះ អុីស្រាអែលក៏ត្រូវការគ្រាប់បែកឆ្លាតវៃ JDAM និងគ្រាប់បែកតូចៗផ្សេងទៀត ដើម្បីបម្រើយុទ្ធនាការផ្លូវអាកាសនៅតំបន់ហ្គាហ្សាស្ទ្រីប៕ ដោយធីរីណា
រូបថត: nguoiduatin.vn
