កីឡាករ Marc Guiu បានស៊ុតបញ្ចូលទីអ្នកឈ្នះក្នុងរយៈពេល៣៣វិនាទីក្នុងការបង្ហាញខ្លួនដំបូងរបស់គាត់ដើម្បីផ្តល់ឱ្យBarcelona យកឈ្នះ ១–០ ក្នុងផ្ទះលើក្រុម Athletic Bilbao កាលពីរំលងអធ្រាត្រឈានចូលថ្ងៃទី២៣ តុលា ឆ្នាំ២០២៣។ ខ្សែប្រយុទ្ធ សញ្ជាតិ អេស្ប៉ាញ វ័យ ១៧ ឆ្នាំរូបនេះ បាន រក គ្រាប់ បាល់ ឲ្យក្រុមនៅ នាទី ៨០ ពីការបញ្ជូនបាល់របស់ Joao Felix។

 គ្រាប់១គ្រាប់នេះគឺគាត់បានស៊ុតបាល់បញ្ចូលទីក្នុងលីកដំបូងរបស់គាត់សម្រាប់ក្រុម Barcelona លឿនជាងកីឡាករផ្សេងទៀតក្នុងប្រវត្តិសាស្ត្រក្លិប។ ជ័យ ជម្នះ បាន យក ក្រុម លេខ៣ Barcelona ត្រឡប់ មក វិញ ក្នុង ចំ ណោម ក្រុម កំពូល តារាង Real Madrid ដែល ពួក គេ ត្រូវ ជួប នៅ ថ្ងៃ សៅរ៍ ក្រោយ។

 អ្នកចាត់ការក្រុម Barcelona លោក Xavi បាននិយាយថា “ខ្ញុំបានប្រាប់គាត់ថា គាត់នឹងមានឱកាសដ៏ល្អមួយ ខ្ញុំចូលចិត្តឃើញមុខក្មេងៗទាំងនេះ ពួកគេគ្មានការភ័យខ្លាចអ្វីឡើយ“។ ជាមួយគ្នានេះក្រុម Girona បានឈ្នះ ៥–២ នៅផ្ទះ Almeria ដើម្បីឡើងទៅឈរលេខ២ ស្មើពិន្ទុជាមួយ Real ដែលបានស្មើ ១–១ នៅ Sevilla កាលពីថ្ងៃសៅរ៍។

 Guiu ត្រូវបានបញ្ចូលទៅក្នុងក្រុមឈុតធំរបស់ Barcelona ខណៈដែលគ្រូបង្វឹកលោក Xavi មានកីឡាករជាច្រើនអវត្តមានដោយសាររបួស រួមទាំង Robert Lewandowski និង Frenkie de Jong។ Guiu បានចូលរួមជាមួយសាលាយុវជនរបស់Barcelona ដែលត្រូវបានគេស្គាល់ជាទូទៅថា La Masia ក្នុងឆ្នាំ២០១៣។

 ជាមួយនឹងកំពូលតារាអាហ្សង់ទីន Lionel Messi ផលិតផលដ៏ល្បីបំផុតរបស់ខ្លួន កីឡាករយុវជនរបស់ La Masia រួមមានគ្រូបង្វឹកBarca បច្ចុប្បន្នគឺ Xavi, Andres Iniesta និង Carles Puyol រួមជាមួយនឹង Gerard Pique, Sergio Busquets និង Jordi Alba ៕ (រូបភាព ៖ BBC Sport)